阿碌開咪｜你唔好做馬會得嗎？

本欄讀者皆知，小弟乃百分百忠貞馬迷，故此，一切有利賽馬發展、令馬會更好的事，我必定瞓身支持，義無反顧！

不過，同時我也愛香港愛到入心入肺上血上腦，故此，也是只要對香港好的任何事，當然也會全力支持，矢志不渝。

最近有件事，煩嘞。因身邊不少老友鬼食泥咁聲作出要求：「碌Sir，你幫手講啦。呢單野其實為當事人及為香港都極重要㗎，唔該！」

乜事？正是一宗馬會與香港大利益有矛盾的事，好！講出來問問大家點睇？主角人物為香港大學醫學院院長梁卓偉，去年底公布呈辭，今年將過檔香港賽馬會，出任年薪過千萬元的慈善及社區事務執行總監，將會成為「最大慈善撥款決策人」，因每年手執四十五億元以上善款！

眾所周知，梁卓偉乃備受尊崇的高等醫學及教育兩界領袖，其對香港醫學方面的貢獻，近幾月尤為明顯。領導的團隊，不停發放最新、最科學化的防疫報告，其說服力遠比政府官員為高，自然權威性亦更大。

小弟身邊正正有一群醫學界人士、現任及前高官議員，皆認為際此時期，梁卓偉對香港的醫療發展至為重要。就算轉工，也應優先考慮出任食物及衞生局局長，替整個香港的醫療衞生出謀獻策，制定宏大藍圖。故此，不應（為錢？）走咗去做馬會。

某某前高官話：「事實，馬會份工人工當然高，但不少能人可以出任。梁卓偉為醫學界專才，唔在本業發揮而走咗去派善款，對整個香港，尤其醫學界，天大損失也。梁卓偉素來不是以錢衡量工作價值的人，希望佢……」

呢個看法，小弟是同意的，否則不會寫出來。

明日跑沙田，提議大家留意四隻馬。三隻為告仔的馬，包括「美麗同享」、「綫路之星」及「合夥雄心」，分別由拉叔及潘頓策騎，當然不會玩玩下咁符碌。

另外提供第八場「福朵」，沙田千四米屬強項，薛恩操到嘭嘭聲，非常肉緊，應該夠鐘開齋！

曾智華

 

阿碌開咪