樂●活|換購限定精品

2021-11-21 13:00
買嘢順便儲印花、儲分換限定嘅別注版禮品,可說是Shopping嘅日常!

如果係Sanrio角色嘅朋友們,就要留意7-Eleven即將推出嘅Sanrio characters收納掛包和mono TOTE!今次嘅限定別注版有Hello Kitty、My Melody、Pompompurin(布甸狗)、Little Twin Stars - Kiki、Little Twin Stars - Lala、Kerokerokeroppi、Ahirunopekkle(AP鴨)、Bad Badtz-Maru(XO)和Minna No Tābō(大口仔)將於11月24日早上7時起開始儲印花或用yuu積分換購。9款Sanrio characters收納掛包+ mono TOTE的收納掛包採用了合成皮革物料製造,掛包上更有不同Sanrio characters大頭公仔的刺繡圖案,細膩精緻,每位角色分別捧著不同食物或飲品,造型可愛,掛帶僅附有啪鈕,可扣上手袋上,並放隨身物品,如八達通、住戶證、學生證等。而附帶嘅Tote bag以Monotone拼色設計,一面印有相對應的Sanrio characters大頭造型,更可手挽更可揹上肩膊,可放A4文件夾、筆記型電腦或筆記本,隨手一拍都可以做OOTD。

今次更首度推出Sanrio characters揭揭賞遊戲,大玩即揭即賞簡單遊戲,只要於2021年11月24日(07:00)至12月14日(23:59(期間登入遊戲網頁就有機會贏取收納掛包+ mono TOTE特別套裝、免費7CAFÉ即磨咖啡或多份豐富獎品。

至於平時鍾意飲幾杯嘅就一定要留意麒麟一番搾・秋賞活動,最之前推出嘅麒麟一番搾・秋賞~富士山禮品套裝抽獎,及將於11月23日結束、在7-Eleven便利店購買任何麒麟啤酒產品滿$45或以上,加HK$19換購麒麟一番搾•和風丼碗活動外,更可於即日至12月1日期間推出以楓葉圖案為設計主題的麒麟一番搾・秋日焗盤。焗盤清簡時尚,流綫沿邊設計,配上優質耐熱的玻璃物料,適用於微波爐及焗爐,無論烤肉、焗海鮮或甜品等亦同樣適合,只需於Circle K 便利店購買任何麒麟啤酒產品滿$45或以上加$19即可換購。

至於鍾意食米線的朋友,則可留意譚仔雲南米線與聯同香港藝術中心及6個本地插畫師創作單位,包括羅浩光Bo Law、包川田 Tweety Bao、奶茶通俗學崔氏兄弟、謝晒皮、CHEAP CENTURY及Plastic Thing推出的譚仔遮遮,凡惠顧任何堂食或外賣自取(不包括電話下單及外送平台之訂單),即可以$60於指定門店換購指定款式之譚仔遮遮,每張帳單只限換購1把,所有收益將不扣除成本全數撥捐香港藝術中心及協康會。

除咗換購譚仔遮遮,譚仔為慶祝品牌25周年,以發源地深水埗為引子,並以25載情如初見為主題,聯同香港藝術中心、協康會、創作歌手林家謙、6位譚仔女聲合唱團成員、著名指揮家劉卓熙等,舉行包括25周年主題曲、慈善義賣、《譚仔‧姐‧遮》攝影展覽(即日至11月30日在)等連串活動,另由即日起凡於Deliveroo戶戶送平台,訂購譚仔新推出的滷汁牛肚蜂巢豆腐重慶酸辣湯米綫,可向75折優惠。

順帶一提,合味道紀念館香港由即日起至11月30日推出兩款限定福袋,讓大家邊等待再次到日本旅行,邊感受日本的秋天氣息。日清食品應日本駐香港總領事館邀請參與2021年度日本秋祭in香港而推出兩款福袋,分別為日清麵食福袋套裝及零食福袋套裝,前者有合味道帆布袋及日清玻璃水樽、出前一丁北海道小麥粉麻油味、出前一丁杯麵(麻油味)、棒丁麵(柚子鹽味)合味道鮮蝦豬骨湯味杯麵、日清拉王黑蒜油豬骨湯味 、清咚兵衛腐皮碗烏冬、日清U.F.O.日式醬汁味炒麵,而零食福袋套裝除有合味道帆布袋及日清玻璃水樽外,更有日清湖池屋激辣魔薯香辣味薯片及香辣芝士味薯片、日清思樂都日清焦糖果仁穀物麥片及豐盛草莓穀物麥片、野菜生活100甘筍混合汁、提子混合汁及芒果混合汁、日清思樂都香甜味及可可脆批玉米片,和甘樂PURE青提子味橡皮糖。日清麵食福袋套裝同時於百佳網上超級市場有售。

作者:Laurie Wu(愛保健愛旅遊愛購物的熟女)
lohaslaurie@gmail.com

關鍵字

最新回應

熱門文章