樂●活|味遊天下

2021-11-03 16:30
之前同朋友傾起,要數最掛住嘅食物,拉麵係其中一款幾多人提起的食物。

早陣子,拉麵控朋友帶咗Laurie去咗位於九龍灣、由日本一風堂和JR東日本聯營拉麵店TOKYO豚骨BASE的首間海外姊妹店METRO豚骨BASE,新店的設計以世界各地的鐵路為靈感,店內設有35個座位,更專程引入日本拉麵店重要元素之一的自助點餐售票機,餐點於顧客下單後隨即送上,還原日本的地道拉麵滋味。

同店內的職員傾偈,佢哋建議鍾情一風堂醬油豚骨湯底的原始美味,首選由它變化而成的醬油豚骨拉麵;至於無肉不歡的話,就可選配有燙烤叉燒棒的煮干豚骨拉麵,又或是同時有衝擊視覺和味蕾的方形炙燒叉燒之黑豚骨拉麵;喜歡創新口味的可選結合豚骨湯底和新加坡惹味辣椒蟹的日星混血辣番茄蟹肉混麵。除拉麵外,,新店亦將提供多款特色丼飯,而Laurie最愛的餃子,其有原味餃子、粟米濃湯風味炸餃子及餃子配莎莎醬可揀,而炸物就有炸紫菜墨魚鬚、明太子雞翼及唐揚雞。

大家仲可以順便入手拉麵外帶包,一包就有齊湯底、拉麵、日式叉燒、木耳絲、特製味噌及秘製醬汁,每份為一人份量,只需連同包裝袋放入沸水和使用微波爐加熱,安坐家中也可還原店舖現煮的美味。

仲有今日試咗Pacific Coffee新推出的香橙燕麥朱古力,今次特別選用含豐富水溶性膳食纖維及零乳糖的OAT-LY!燕麥奶,質感輕盈,而香橙糖漿完美配合濃厚朱古力,而可可豆自然果香及酸味,配合得宜,而淡淡燕麥香更令飲品倍添誘惑,甜而不膩。

系列還有特選農地直送的香濃18/25咖啡,並混合橙皮甜酒糖漿及香濃朱古力,令咖啡餘韻帶點清新香甜,再緩緩加入健康輕怡的OAT-LY! 燕麥奶,達至平衡口感的香橙燕麥朱古力咖啡,頂層抹上軟滑細緻的鮮忌廉,灑上少量糖漬蜜餞橙皮碎及喜馬拉雅粉紅鹽,令整杯飲品瀰漫清甜果香。

作者:Laurie Wu(愛保健愛旅遊愛購物的熟女)
lohaslaurie@gmail.com

關鍵字

最新回應

熱門文章