樂●活｜LEGO的電影世界

如果你係LEGO迷，又係電影迷的話，新推出嘅兩款LEGO相信你會同Laurie一樣心心眼！

You jump, I jump、I’m the king of the world，單睇呢兩句對白，《鐵達尼號》入面Jack、Rose嘅經典畫面，一定已經有晒出現喺你嘅腦入面，而 LEGO 10294 Titanic就會喺今日（8日）正式開賣。全長1.35米，高 44 厘米嘅10294 Titanic 係推出過最大嘅LEGO模組， 以 9,090粒顆粒拼砌成總長269.1米的鐵達尼號，唔單止外觀以白、黑、紅色為主調的船身躍現眼前，連鐵達尼號豪華的內部結構一一還原！

船身可分拆成三個部份，走上裝潢華美嘅交誼甲板，船頂稍為後傾嘅四支標誌性煙囪、那條多位乘客夢寐以求踏上並連接着6個甲板的頭等艙樓梯、甲板上嘅桅桿、不同等級船艙嘅設計、纜索、發動機室救生艇至吊臂及部件等，每個細節一絲不苟，華麗嘅船身以外，套裝同時附有底座和銘牌，方便大家可以喺屋企其家中展示呢艘航海史上嘅傳奇。

另一個還原電影嘅LEOG就係21330 Home Alone！《寶貝智多星》相信係每位90年代長大嘅大朋友都不會感到陌生，甚至有一種特別情意結，會喺每個聖誕節都想重溫嘅電影。 21330 Home Alone從用色、鋪排到細節都將《寶貝智多星》電影裡發生在McCallister 大屋裡的所有情節逐格重現，啡白色雙層大屋門外掛着聖誕裝飾和燈飾，從正面打開大屋，整個內部結構完整呈現眼前。

客廳和飯廳分放置了故事前期Kevin偽裝為家庭成員嘅籃球員人形立牌、站在黑膠唱盤上嘅人偶，二樓、閣樓、廚房、樓梯、地下室，甚至一旁嘅樹屋，都已布置成電影最後Kevin與大盜們的攻防戰情景，既搞笑又溫馨嘅聖誕故事完整地於LEGO McCallister大屋重演。大宅入面仲有唔少隱藏喺細節嘅電影彩蛋，好似喺大門外被撞跌嘅人形玩偶、Kevin哥哥飼養嘅蜘蛛都可以喺21330 Home Alone入面搵到。套裝更包括Kevin、大盜Harry與Marv、協助Kevin脫險嘅老人Marley，Kevin媽媽Kate嘅5款迷你人偶，及大盜駕駛嘅小型貨車。

隨着聖誕佳節愈來愈接近，21330 Home Alone分拆為25個小袋，可順序重溫電影的經典情節，從遇到強盜和仔們的貨車開始，以Kevin和Kate 的重聚作一個完美終結。LEGO Ideas 21330 Home Alone已經可以喺LEGO認證專門店及LEGO探索中心禮品店買到。

作者：Laurie Wu（愛保健愛旅遊愛購物的熟女）
[email protected]