樂●活｜聖誕好去處（二）

噚日為大家介紹咗幾個已經搭好實景、以迪士尼故事和朋友仔做主題商場聖誕布置，今日繼續為大家一啲已經有實景可以隨時去影相打卡、以韓國及日本卡通人物為主題的裝飾。

提起深受韓迷歡迎卡通，Kakao Friends一定係榜上有名！ Ryan、Apeach、Tube、Con、Muzi、Neo & Frodo、Jay-G 及最新角色 - 春植會換上萌爆聖誕造型，同大家喺荷里活廣場嘅Kakao Friends聖誕夢幻樂園同大家歡度聖誕！Kakao Friends聖誕夢幻樂園加入Kakao Friends互動遊戲元素的玩樂園區，大家可踏上Ryan飛越海盜船與Ryan一起於2米高的滑梯上飛翔，享受從高空滑下來的極速快感，又或可在以粉紅色的Apeach為主題的Apeach彈彈咖啡杯，於彈床上盡情跳躍，從高空俯瞰整個聖誕夢幻樂園的美景。提提大家，於指定周末更可參加Ryan & Apeach見面會，兩大人氣角色將以聖誕造型跟大家見面兼大拍萌照。除咗玩互動遊戲區後，記得要去齊3大打卡熱點拍照留念，包括在樂園拱門下以最可愛的姿態歡迎大家的Ryan與春植；樂園正中的大舞台上旋轉木馬等緊大家嘅Tube、Con、Muzi及Neo & Frodo，當然唔少得去Jay-G極速跳樓機與Jay-G感受跳樓機帶來的感官刺激 。場內更有期間限定店，發售過百款Kakao Friends人氣精品，而荷里活廣場更貼心地準備了獨家Kakao Friends限定禮品，包括Kakao Friends 2022年座枱月曆、Kakao Friends掛頸八達通套及Ryan x Apeach餐碟套裝，顧客憑指定消費或VIC積分即可換領。

除咗韓國的代表外，今年聖誕仲有來自日本、由Bad Badtz-Maru (XO)、Ahirunopekkle (AP鴨)、Pochacco (PC狗)、Keorkerokeroppi、Tuxedo Sam及Hangyodon六大男神組成嘅Sanrio人氣男團HAPIDANBUI陪大家過聖誕！佢哋會喺馬鞍山廣場、天水圍+WOO嘉湖、紅磡置富都會及沙田置富第一城大搞4場巡迴show，一次過帶粉絲嘗遍舞台應援、街頭應援、巴士應援及節日應援的追星滋味。

由敢於挑戰的XO領軍主唱、嚮往自由的PC狗擔任DJ、純情系AP鴨負責keyboard、打氣小能手Kerokerokeroppi手執搖鼓會在馬鞍山廣場上演聖誕全民追星ON STAGE慶祝海外出道；然後AP鴨和Tuxedo Sam換上最型街頭look現身於天水圍+WOO嘉湖MERRY MUSIC街頭音樂會以答謝粉絲們嘅支持。至於紅磡置富都會就會舉行巴士應援FAN MEETING，現場除有6子海外巡演的主題海報外，更有每位成員的個人chok爆獨照，實行近距離回饋粉絲。沙田置富第一城就有HAPIFEST聖誕音樂車星勢狂歡，HAPIDANBUI六子齊集盛大張揚的聖誕音樂車，分別於三個互動演奏區演奏不同樂器，以節拍強勁的音樂把粉絲吸引到他們面前，每個演奏區均配有特別裝置，踩中裝置即響起該樂器的聲音，寵粉至上的HAPIDANBUI還於每個舞台設有與粉絲互動的小遊戲。

今年蠟筆小新已經30周年，MCP CENTRAL & MCP DISCOVERY（新都城中心2期及3期）就邀得本地創作品牌Chocolate Rain與蠟筆小新首次聯乘，以全新萌爆造型現身蠟筆小新 x Chocolate Rain冬瀛樂遊趣，與大家暢玩日本6大名勝。一眾日本迷可於MCP CENTRAL與3.5米高以馬甲煲呔造型的小新及Fatina一同登上日本第一絕景富士山，然後再遊盡埼玉縣百年傳奇忍城、滑雪天堂札幌、寫意別府溫泉鄉、童話世界白川鄉及雪見小路商店街等遊日必到的名勝，記得要去埋趣遊冬日照相館與一眾萌爆角色穿梭多個日本人氣景點打卡。場內更有冰雪樂園遊樂區，除了多個萌爆打卡裝置外，場內更有H･COINS會員專享的擲雪球大師及極地冰壺大挑戰等互動雪上運動遊戲，大家有機會贏得限量禮品。

作者：Laurie Wu（愛保健愛旅遊愛購物的熟女）

[email protected]