樂●活｜擁有一部相機是必須的！

手機嘅相機功能愈嚟愈專業，隨時隨地隨手就可輕鬆拍出專業級攝影嘅相片，仲可以即時執相、加濾鏡再Upload上社交媒體開心Share，夠晒方便！不過始終覺得，擁有一部相機是必須的！

行街嘅時候，見FUJIFILM X系列出咗新一代可換鏡無反相機X-T30 II，問過店員X-T30 II承襲咗上一代型號備輕巧機身嘅優勢，僅378克重嘅機身入面，搭載2610萬像素 X-Trans CMOS 4 感應器和高速 X-Processor 4 影像處理器，令X-T30 II能提供相當於旗艦相機FUJIFILM X-T4嘅高速自動對焦同影像品質，可以高達0.02秒嘅對焦速度，實現全畫面相位檢測自動對焦。機背的螢幕更新為162萬像素可翻折的觸碰式LCD螢幕，相機整體嘅硬件裝置和系統軟件都從初代嘅X-T30中獲得全面升級。使用機械快門模式下的連拍速度能高達每秒8張，而在電子快門模式下的連拍速度則高達每秒30張，並能夠實現無黑屏連拍。

用手機影相其中一個吸引之處，係可以用唔同嘅Filter，而X-T30 II就有18種菲林模擬模式，可模擬菲林豐富且獨特的色彩、色調和飽和度，包括常用於拍攝日常場景嘅懷舊負片模式，以彩色負片重現別致質感，仲有ETERNA Bleach Bypass模式重現同名稱菲林原有的低飽和度和高反差色調，選項讓用家回味菲林相機嘅時代，可按照需求切換到不同菲林，創造獨一無二的影像故事。

相機為多種拍攝風格而設，用家可透過相機頂部嘅快門速度轉盤進行全手動拍攝，以及在自動模式下快速拍攝。相機頂罩上具自動模式切換桿，操作簡便，有助提升拍攝效率。

除咗影相， X-T30 II嘅拍片功能一樣非常高質，可錄製相當於6K嘅數據，生成4K質量嘅影片，並能夠保留高解像度且極低雜訊的影片素材，更可使被攝對象在快速運動的一瞬間生成最高10倍的慢動作鏡頭，實現更順暢的錄影。

既然X-T30 II係一部可換鏡無反相機，當然要介紹一下專為X系列無反相機而設的定焦鏡頭 FUJINON XF33mmF1.4 R LM WR，一款用途廣泛的標準定焦鏡頭，其焦距相當於 35mm 菲林格式的 50mm，是所有 X Mount 用家必不可少的鏡頭。XF33mmF1.4具有 X Mount 鏡頭一貫擁有的便攜性，僅重約360g、長73.5mm，亦配備由綫性馬達驅動的靜音、快速和高精度自動對焦系統，可在拍攝和錄影中實現清晰、平滑對焦，仲可以入手埋鏡頭遮光罩 LH-XF23 II，以助減少瑕疵和重影以捕捉清晰的影像。

至於鍾情Leica 相機的話，就一定要留意Leica新推出 D-Lux 7 Vans x Ray Barbee聯乘限量版相機。呢款聯乘限量版相機機身採用Vans嘅棋盤格圖案設計，相機機頂蓋印有Ray Barbee嘅簽名，以及Vans旗下Vault by Vans嘅商標。聯名套裝包含特別設計的藍綠色背帶及配有相機防塵套，防塵套一面印有Ray Barbee嘅引言 ——「樂在記錄沿途風景」。呢款聯乘限量款相機與D-Lux 7系列機型的技術參數相同，採用了4/3感光元件和等效24 - 75mm快速變焦鏡頭。

Vans亦同步推出了Sk8-Hi、Slip-On、Old Skool、Authentic 鞋款以及服飾系列，同樣印有以上Ray Barbee和Ernst Leitz II的名言，部分上衣亦印有Ray Barbee以Leica相機拍攝的照片。

 

作者：Laurie Wu（愛保健愛旅遊愛購物的熟女）
[email protected]