樂●活|11月Shopping月 精明換季買禮物

2021-11-19 12:00
11月真係可以話係Shopping月,先有雙11,接着仲有​​感恩節(11月25日)、Black Friday(11月26日)及Cyber Monday(11月29日) ,總而言之,唔少商戶都有唔少優惠!想精明換季入貨兼買聖誕禮物?絕對不能錯過! 

好似沙田新城市廣場就已經開始緊年度感謝祭JUST BUY WEEKS,而今年嘅Last Call會係由即日至11月30日期間舉行,主打3重優惠,首先係人氣美妝、時尚服飾及潮流運動品牌提供人氣產品買一送一或低至3折發售,會員可以100積分預先換領「購物優惠預留證」,憑證可享半價(或更低價)或買一送一優惠購買心儀貨品,用預留證消費更可獲得5倍積分!第二重優惠係可以預早換領「消費王3倍通行證」 以享多重着數優惠,消費王更可獲$10,000電子消費券及3倍積分!至於第三重就係,商場會喺感謝祭期間送出逾1億會員積分,同場更有購物回贈推廣,消費可盡享高達$2,600商場消費禮券。

另外,一田就會喺11月24至30日舉行半年一度、一連7日期的購物優惠日,會喺12間分店及13個特別展場同步舉行,逾萬件衣食住行好物低至1折發售。今次更加係一田首次一連7日,每日都有1折筍貨比大家盡情掃貨,另有逾100款爆抵筍貨$49起每日限定發售,而超市搶手優惠就會分2星期出擊,一連兩星期力推$100任選4件自由組合超市筍貨。購物優惠日首日早上9時至中午12時,特設YATA-Fans尊享時段,可預先網上登記,率先入場選購心水抵貨。至中午12時起就會向公眾開放,並營業至晚上10時,而11月25至30日百貨部營業時間將為早上10時至晚上10時,而全綫超市則按照各店行常營業時間營業,方便大家齊齊掃筍貨返屋企。

至於輕電器網購平台—電器幫ElecBoy就有推出Black Friday 黑色星期五限定優惠;即日起至11月24日期間,首5,000名登記成為電器幫會員(按此),並剔選「我願意接收有關最新的優惠、促銷、折扣或任何類似的訊息」,便可於11月25日收到神秘優惠碼,參與11月26日會員專屬嘅超抵閃購日,電器幫將於Black Friday 當日 (11月26日) 早上10時,精選12件人氣產品以激抵發售,包括最新AirPods Pro只需$999,而11月26至29日期間,電器幫一連4日就嚴選了過千款熱賣產品大激減優惠、優惠券大激搶,實行以至抵價搶購心頭好。

惠而浦網上商店W-Mall亦年終陳列開倉第二浪,多款陳列家電於即日起至11月23日開倉期間以激抵價發售,低至$299起選購多款精選優質家電 。所有陳列產品均提供1年產品保養及免費送貨,購買部分特定產品更可享有免費基本安裝服務。

丹麥傢具品牌BoConcept 舉行 BoConcept Black Week 限時優惠,由今日(11月19日)至11月28日於全綫分及官方網店舉行,期間可以低至8折的優惠選購品牌的多款精選傢具,優惠適用於指定餐枱連餐椅組合、板製傢具、皮革及布料等系列產品,而於11月20至21日期間於BoConcept分店購物後,將選購的家品及購物體驗分享至Instagram,即有機會免費獲得BoConcept x Cookie DPT特別版黑芝麻曲奇。

順帶一提,剛於11月初在將軍澳新都城中心二期開幕嘅UNY,於11月開業期間預備了限時精選優惠,包括北海道白蛋、愛比素蜜糖、Aqua Leader 斯里蘭卡急凍野生原隻花竹蝦等,還有可即買即食嘅GOSO GOSO 湯種蛋撻、特選2人壽司盛盒、八式海膽剌身船、芥末籽烤慢煮西班牙黑毛豬鞍等都會每日以優惠價限量發售。顧客由今日(11月19日)起,憑最多兩張即日收據購物滿300或以上,即可以優惠價$20換購限量UNY環保購物袋、滿$500或以上更可以優惠價$59換購BRUNO不銹鋼保溫瓶。

此外,UNY將軍澳新店將於11月19至21日一連舉行5場原條吞拿魚切割表演,日本師傅會一邊將巨大的吞拿魚肉切成一片片可口的生魚片,一邊為大家專業講解整個劏切過程,表演結束後更可優先選購各個吞拿魚的稀有部位,不過數量有限,表演開始前30分鐘會派發籌號,想看想買就記得早一點來佔個好位置了。原條吞拿魚切割表演時間分別為11月19至21日下午4時半,而11月20及21日更會於下午1時加設一節,記得唔好錯過!。

作者:Laurie Wu(愛保健愛旅遊愛購物的熟女)
lohaslaurie@gmail.com

關鍵字

最新回應

熱門文章