樂●活|和迪士尼公主過聖誕

2021-11-28 12:00
今年聖誕,除咗入樂園,喺多個商場都會見到迪士尼朋友仔嘅蹤影,除咗之前介紹過嘅多個商場(按此)之外,迪士尼朋友仔仲會以不同主題走勻港九新界多區。

一班迪士尼公主今個聖誕就會喺灣仔利東街嘅璀璨閃亮大道陪大家。以迪士尼為主題的炫彩燈飾派對設有一組5米高、以迪士尼公主為主題的3D幻彩裝置,配合12組公主的華麗燈飾,每日下晝5時起就會亮起炫彩燈飾,整條利東街將化成舞會現場,展現迪士尼公主們嘅迷人魅力,場內仲有10米高嘅巨型聖誕樹,締造猶如置身童話故事嘅浪漫聖誕體驗。而每晚6時至10時更會上演光影音樂騷,配以公主音樂劇主題曲及聖誕歌曲,以視覺與聽覺令大家置身夢境中嘅聖誕,感受迪士尼的奇妙魔法世界。

驚喜唔單止喺夜晚,晴天白晝時段,利東街皇冠圖騰燈飾經過陽光折射後,型造出獨特的彩色倒影,Laurie問過每日早上9時45分至10時15分嘅利東街中庭早上10時30分至11時30分嘅利東街近莊士敦道及下午1時至2時嘅利東街近皇后大道東,會係最佳影相位及時間。利東街更會在11月27至28日、12月4至5、11至12、18至26、30至31日及2022年1月1至2日加映飄雪活動,大家可以在皚皚飄雪下,與摯愛及親友漫步在雪花片片、閃亮動人的聖誕大街,欣賞如夢似幻的動人美景。

同樣充滿夢幻仙氣氣息嘅仲有東港城TOMICA DISNEY MOTORS 聖誕夢樂園,場內會有Disney Motors Jewelry Way 系列中的迪士尼公主主題水晶車華麗登場,商場中庭更會變成夢幻公主堡壘。場內會有8大打卡位,讓大家成為童話故事中的主角,一起乘坐公主必坐的水晶馬車參加派對。

TOMICA 以白雪公主、長髮公主及睡公主為靈感,打造心心眼車隊聯盟,並依照她們個性造型設計出迪士尼公主系列水晶車,Bling Bling水晶車並首次以巨大化造型駛入東港城。令羅傑場內更有以愛麗絲的童話故事為主題打造水晶車,如夢似幻的霧感藍色車身,配上黑色蝴蝶結車頂設計,伴隨著大人國紙牌、象棋和小磨菇等,引領大家進入夢遊仙境。場內更有逾5米高的夢幻光影打卡堡壘,以米奇標誌式大耳朵為設計造型的奇幻堡壘,外型萌爆搶眼之外,原來還內有乾坤,藏着漫天激閃巨型鑽石珠光寶氣,大家更可在鏡房內照出零死角的完美公主照。

除咗迪士尼公主之外,當然唔少得派對王者米奇駕著2021年華麗登場的超經典皇室轎車炒熱全場氣氛,霸氣嘅皇家藍配尊貴而低調的白色嘅轎車車身,呈現典雅莊重又不失時尚魅力。場內更有TOMICA 期間限定店,大家可以買到逾30款TOMICA會場限定車、最新美女與野獸及反斗車王系列卡通車仔,更有一系列少女心夢幻粉色系迪士尼公主首飾車,打開車身更立即變成高雅嘅首飾收納盒子。

 

作者:Laurie Wu(愛保健愛旅遊愛購物的熟女)
lohaslaurie@gmail.com

關鍵字

最新回應

熱門文章