樂●活｜今個聖誕甜蜜蜜！

聖誕佳節想同朋友、家人、另一半過得溫馨又甜蜜蜜，點少得充滿節日感、精緻聖誕蛋糕或甜點！

聖誕倒數日曆今年可以話係人氣爆燈，而新晉甜品店Pâtisserie Jane更首度推出甜品版聖誕倒數日曆，就帶來創意滿滿的7份聖誕主題甜點實行於12月19日至25日起一連7天拆開當日嘅禮盒一同倒數迎聖誕。

聖誕倒數日曆禮盒裡盛載著七款精緻甜點，由低糖柑橘果醬、聖誕朱古力球、心形芝麻蝴蝶酥、朱古力及抹茶冬甩、檸檬罌粟籽及伯爵茶瑪德蓮、糖霜曲奇到肉桂薑餅及茉莉花茶味奶油曲奇等，每一款都滿載聖誕元素嘅精心設計，其中以聖誕樹造型的糖霜曲奇最得意可愛，而聖誕朱古力球更可沖泡可可牛奶。限量推出、以高貴寶石藍色禮盒及紙袋包裝嘅聖誕倒數日曆，可於官網購買，更可獲贈聖誕小卡，網上訂購可選送貨或自取。

喺「相機王道」下，沒打過卡的食物並不能吃掉，聖誕蛋糕的造型、顏色、擺盤、用料數量等跟味道同樣地要100分。Patisserie Tony Wong今年就以外國聖誕蛋糕為藍本，以合家歡為題，製作賣相極吸引，並令人食指大動的聖誕蛋糕，包括較罕有及難度較高的薑餅人及花圈造型。

Patisserie Tony Wong聖誕系列的款式種類很豐富，包括小朋友喜愛的朱古力味火車、大熱的柚子抹茶、麻薯蛋糕等，除此之外，亦有女生至愛的保鮮花系列、也有玩味較重的smash蛋糕、又或是可以滿足環保fans的聖誕蛋糕杯，食完仲可以留作紀念 。

朱古力蛋糕應該是最多人喜歡嘅選擇，A－1 Bakery嘅奇幻聖誕夜比利時生朱古力蛋糕就啱晒鍾意朱古力蛋糕嘅朋友！奇幻聖誕夜混合咗法國及比利時朱古力忌廉和香濃幼滑嘅生朱古力，每一啖都係濃郁香醇朱古力，口感層次相當豐富，仲備有12及15厘米兩個大小。

樹頭卷蛋相信係聖誕蛋糕嘅大熱之選！A－1 Bakery今年就準備了日本甜王士多啤梨樹頭卷蛋，以粉紅色作為蛋糕的主色調、13厘米的卷蛋內層係滿滿嘅日本甜王士多啤梨海綿蛋糕，中層就夾雜了日本甜王士多啤梨忌廉和甜王士多啤梨果醬，酸甜交錯。用士多啤梨做主題嘅仲有由Atelier Gute推出嘅閃爍聖誕願－日本甜王士多啤梨千層蛋糕，內層由13層班戟皮製成，中間更夾雜厚厚的幼滑忌廉和酸甜的士多啤梨醬，令人回味。

蛋糕應該，A-1 bakery準備了充滿歐陸傳統風味嘅德式朱古力聖誕包和意式聖誕麵包，兩款聖誕包均外皮紮實，內層鬆軟綿密富彈性，且還內含多種香甜可口的果乾，而意式朱古力聖誕包更加入多顆朱古力粒和甜酸的紅莓粒，細膩濃醇的朱古力配上酸中帶甜的紅莓，讓人享受多重味覺體驗。

提提大家，各款A-1 bakery聖誕蛋糕都有早鳥優惠，而且仲係限量供應，記得要把握時間去分店或網店訂購！

作者：Laurie Wu（愛保健愛旅遊愛購物的熟女）
[email protected]