樂●活｜歡度歐式聖誕

距離聖誕不足一個月，無論係商場、商戶，景點都已經換上聖誕裝，一於趁住周末一連兩日為為大家介紹唔同嘅商場聖誕裝置，方便大家可以搵下有邊啲必去景點！

有得飛嘅聖誕節，唔少人都會選擇去個白色聖誕，就算今年冇得飛，一樣可以過充滿歐陸風情嘅佳節。MegaBox聯乘Harry Potter舉行Harry Potter Christmas In The Wizarding World at MegaBox 超大型聖誕活動。今次嘅次Harry Potter超大型聖誕裝置以韓國知名女插畫家Sunga Park所繪畫的《哈利波特》魔法世界插畫為設計藍本，以插畫風格及色彩還原《哈利波特》系列中活米村經典場景，大家可以變身霍格華嘅學生，體驗一次學期末的冬季旅行！旅程由9 ¾ 月台登上霍格華茲特快列車前往活米村開始，火車站旁可以見到風景如畫的活米村全景。於活米村遊覽期間，更可到每間商店的櫥窗，體驗各個驚喜互動魔法裝置，更有售賣惡作劇和變戲法材料嘅桑柯惡作劇商店，要蜂蜜公爵糖果店櫥窗就擺滿柏蒂全口味豆子，以及多位著名巫師肖像的巧克力蛙畫片。

每逢正點活米村更會上演夢幻飄雪Show，細雪緩緩飄下，每間商店櫥窗頓時變得五光十色，魔法裝置亦會動起來，而特快列車的車輪上有LED燈效，加上火車煙囪的噴煙效果，猶如行駛中一樣，再配合高20呎的閃爍華麗聖誕樹，恍如置身既浪漫又與眾不同嘅極富魔法世界。記得要去埋G中庭嘅Harry Potter聖誕禮品店，入手各款Harry Potter魔法棒、文具、公仔及魔法師學院袍等，部分更是獨家產品，於場內即日消費滿指定金額，即可換領豐富Harry Potter精品。

東方快車可以話係最能代表歐洲嘅交通工具之一。ifc商場就聯同東方快車就準備咗Orient Express is coming to town聖誕裝置，喺今個聖誕讓大家搭乘經典午夜藍列車，一同追溯東方快車自1883年開始嘅傳奇故事，開展一趟從古至今嘅豪華鐵路之旅，遊歷當年從東往西嘅軌跡，譜寫專屬的珍貴聖誕回憶。

場內嘅火車頭及列車車廂均以原有東方快車為設計藍本，並設有3個體驗區：中央火車站、東方快車車廂及車站街。領取火車票，踏進中央火車站，月台牆上展示了1890至1930年代嘅火車宣傳海報，車廂內展示了東方快車的珍貴文物，包括餐具及鑲嵌木製品，透過一系列昔日照片及宣傳品，了解東方快車如何成為「火車之王」。商場更準備約長45分鐘嘅導賞團，讓參加者了解鐵道旅行嘅黃金年代，漫遊舊日歷史痕跡，踏上一趟文化之旅。導賞團於12月9至 23日期間舉行，參加者可於11月29日起進行網上登記。訪客更可以手提電話登記電子旅遊日記，參觀現場不同景點，完成指定任務並分享相片到社交平台更可獲得特別版紀念硬幣。

12月嘅指定日子及時間，商場更會有手風琴三重奏，交織出充滿聖誕氣氛嘅樂章，以爵士樂和古典曲調帶來濃濃嘅佳節氣氛。

作者：Laurie Wu（愛保健愛旅遊愛購物的熟女）
[email protected]