移英港媽教寫負評換免費奶 濫用退款漏洞 遭網民狠批：影衰晒香港人

移民英國｜繼移英港人分享倫敦年宵，再揭英國物價之高昂後，近日又有移英港媽分享在當地生活的節儉之道，卻遭網民一面倒批評。勤儉持家本是美德，但攞著數亦講求「取之有道」。這名港媽為貪1.99英鎊的牛奶，竟濫用退款漏洞，教大家寫負評作退款，藉此獲得免費奶。港媽對自己的行徑毫無悔意，她將教學分享至Facebook專頁「薩頓科爾飛移悳太后」，引一眾網民鬧爆：「面皮厚過地殼」、「影衰晒香港人」，而港媽面對一面倒批評，她義正言辭表示「網絡欺凌就唔容許嘅」，更指自己有焦慮及抑鬱，一度想自殺。

移英港媽教寫負評換免費奶 原來早有前科

點擊睇 移英港媽教寫負評換免費奶

英國物價高昂，近日就有移英港媽分享在當地生活的節儉之道，卻遭網民一面倒批評。 原因是......

這名港媽發現牛奶包裝上標明不喜歡可以退款，於是教大家寫負評作退款，藉此獲得1.99英鎊的免費奶。

1.99英鎊牛奶

牛奶包裝標明不喜歡此產品，可以寫下15字以上的評價說明原因，便會獲得退款。

港媽將教學分享至Facebook專頁「薩頓科爾飛移悳太后」

一眾網民批評移英港媽的行徑令人不齒，還有網民揭港媽早有前科。

據1月20日的帖文顯示，港媽曾經用同一個手法取得免費食物。

港媽在超市發現一款價值1.49英鎊（約15港元）的急凍炸手指魚

條款表明，顧客若不喜歡這款產品，可以寫15字或以上的評價並上載單據，最多可獲得3英鎊的退款。

港媽成功申請退款，獲得免費急凍炸手指魚。

 

網民留言

點擊睇 網民留言

網民留言：如果啲嘢食嘢飲試完真心覺得唔好食，你去refund 咁係理所當然丫，但如果打正旗號當佢（免費）嘢咁搲埋呢啲着數再周圍廣傳…咁就…

網民留言：好心你啦，咁樣拎著數仲要大大聲聲講！

網民留言：遲早「香港人」呢個朵喺英國臭晒唔係冇原因，多得你呢啲X街

網民留言：如果明明好食都寫refund呃人，真係好X街

網民留言：貪埋呢啲便宜， 仲要post出嚟教人

網民留言：呢個女人好似係全職搲著數寫review維生

網民留言：咁做真係好X街，食完堅揪難食係另一回事，明明好食為refund呃人，真．呃飲呃食

網民留言：教小朋友要學識貪小便宜嗎？

網民留言：根本就係有心拎人著數 好心唔好影衰香港人啦 肉酸

對於移英港媽濫用退款漏洞貪取小便宜的行為，不少網民感到可恥，認為她「影衰晒香港人」。有網民表示：「如果啲嘢食嘢飲試完真心覺得唔好食，你去refund 咁係理所當然丫，但如果打正旗號當佢（免費）嘢咁搲埋呢啲着數再周圍廣傳…咁就… 」、「遲早「香港人」呢個朵喺英國臭晒唔係冇原因，多得你呢啲X街」。

 

港媽遭網民狠批 稱自己曾想自殺

點擊睇 移英港媽 回應網民

面對網民一面倒的批評，移英港媽毫無悔意，更對自己的行為表示理直氣壯。

移英港媽：吓，超市擺貨出嚟大大隻字寫住，唔係我一個人至見到㗎噃

移英港媽：借問邊隻字寫香港人至可以claim

移英港媽：我都冇買

移英港媽：你有冇睇啲人點鬧呢？不過你都係鬧我嘅之一嚟，點都好，你鐘意留言就留

移英港媽：網絡欺凌香港人都係影衰香港人個名

港媽亦表示自己不容許網絡欺凌，更指自己患有焦慮抑鬱症，存在自殺傾向。

移英港媽回應網民

移英港媽：你哋咁鐘意喺度留言做乜，不過我堅有自殺傾向，請繼續講

港媽明言不覺得自己的行為有問題。面對一片罵聲，她義正言辭表示不容許網絡欺凌，更指自己有焦慮抑鬱症，曾經一度想自殺。該回應再次引起眾怒，有網民認為港媽「貪小便宜又唔認，仲要玩埋情緒勒索，呢啲女人真心難頂」；也有人提到濫用退款漏洞最終只會影響真正有需要的人士：「濫用咪搞到人地以後唔再俾你免費退囉，外國人就係識自律識可以做到呢啲嘢」。

圖源：lihkg、Facebook @「薩頓科爾飛移悳太后」

《星島頭條》APP經已推出最新版本，請立即更新，瀏覽更精彩內容：https://bit.ly/3yLrgYZ