大頭小廚｜西貢家庭式茶餐廳水上人特色住家菜必食家鄉炒米

2023-01-29 00:00

店主夫婦張生張太本身在香港仔經營大排檔已有二十多年，因中間經歷兩次火燭，所以決定搬離排檔，回到張太成長地西貢開鋪，連兒子也在店鋪坐鎮，以家庭式經營大頭小廚。

大頭小廚

乾炒雞扒烏冬，雞扒切粒配上彈牙烏冬，熱辣辣最好味。

芝士炸菜肉絲脆豬仔包+沙律，豬仔包非常脆口，與炸菜肉絲很夾呢。

西貢水上人住家菜

麻辣米線（雞翼、紅腸、肉鬆）新出品的麻辣米線，餸菜自由配搭，辣度亦可按個人口味調校。

家鄉炒米，以蝦米、芹菜、蘿蔔絲入饌，店主說是西貢水上人住家菜的特色。

公司三文治，招牌下午茶，勝在材料新鮮，連麵包亦焗得脆口。

因對烹調菜式有豐富經驗，加上熟知食材來貨，所以對設計菜式都額外有心思。如一道麻辣米線，雞翼、紅腸配上肉鬆，用料極豐富，麻辣亦造得入味；至於家鄉炒米，則用了蝦米、芹菜、蘿蔔絲入饌，有住家菜的味道。豬仔包極受下午茶客歡迎，其中芝士炸菜肉絲脆豬仔包及芝士豬扒脆豬仔包最為熱賣，以後到西貢歎茶餐又多一個選擇。