樂●活｜品「味」咖啡

天氣明顯轉冷，最想有一杯熱辣辣嘅咖啡，暖胃兼暖身！

女裝品牌Love, Bonito最近就與stain+在上環太平山街聯手打造限定概念咖啡店Caffe LB，而且仲邀請咗本地藝術家Carol Mui為咖啡店創作壁畫及主題裝置，粉紅色外牆成為太平山街必到IGable打卡新熱點，可以入手秋冬系服飾單品之餘，仲可以品嚐Caffe LB特別為粉紅色主題推出嘅Rose Coffee及Pink Latte期間限定熱飲。

由12月4日至明年1月2日，於Caffe LB外牆壁畫「打卡」，上載至個人Instagram平台並加上@lovebonito #CaffeLB #welovebonitohk，即有機會於換領期間限定飲品、薑餅女曲奇LB Gingerbread Woman或咖啡掛耳包。同時，Love, Bonito每個星期均會選出最佳相片1位，幸運兒可獲得Love, Bonito $1,000購物禮券。另凡於Caffe LB即場註冊成為LBCo+會員，即可獲贈限定禮物。

除咗喺現場買嘢有優惠，12月10至12日於Love, Bonito購物滿$900可享9折、折扣及可享有免費寄送及免費退貨優惠，12月15至26日LBCO+會員更可於Caffe LB自選LBCo+合作品牌之免費禮品。

踏入12月，點少得滿載節日氣氛嘅咖啡！Pacific Coffee就以黑森林蛋糕為主題，在黑森林朱古力與黑森林朱古力咖啡中配上果味馥郁的紅桑莓，並選用質感輕盈的燕麥奶調制，甜度適中之餘，入口亦更香滑，頂層再以朱古力粉加入雪花及聖誕樹裝飾，每一口都是滿滿嘅節日氣。除咗咖啡之餘，Pacific Coffee更與社企 ADAM 藝全人於12月11至12日及18至19日一連兩星期合辦4場周末創藝工作坊，由展能藝術家帶領下體驗馬賽克創藝及沙畫創藝，大家更可將成品，作為今年送畀好友嘅聖誕禮物。參加者可獲得Pacific Coffee $25現金券及聖誕禮物，而於12月18至19日參加沙畫體驗的話更可即場品嚐特色聖誕蛋糕！今次嘅沙畫體驗更特意增設親子優惠套餐，家長和小朋友可以共同享受藝術嘅樂趣。

至於香港星巴克就以繽紛曲奇鮮奶咖啡及繽紛曲奇咖啡星冰樂推高節日氣氛，更於咖啡與蒸煮牛奶中注入特製的烘烤白朱古力糖漿，每一口都係白朱古力嘅奶香與曲奇嘅烘烤香味，頂層更在鮮忌廉上灑上繽紛糖粒，營造猶如雪地和聖誕燈飾嘅感覺，帶來甜蜜蜜嘅繽紛節日滋味。鍾意喺屋企自己沖咖啡的話，仲可以入手聖誕綜合咖啡，今次更可以自訂方式，挑選由清淡醇厚的星巴克黃金烘焙、中度烘焙或深度烘焙三款特濃咖啡豆，調製心儀的聖誕手調咖啡風味。星巴克同時推出造型可愛趣致的聖誕馴鹿楓糖碧根果仁芝士蛋糕及紅絲絨草莓蛋糕，並有兩款聖誕小食共享拼盤，當中包括應節的紅絲絨碎朱古力鬆餅、蘋果貝殼酥和芝士菠菜蛋批等迷你烘焙小食及聖誕主題甜點。

藍瓶咖啡（Blue Bottle Coffee）最近推出咗由咖啡延伸的新產品 – Coffee Lager （咖啡精釀拉格啤酒）！Blue Bottle Coffee 邀請了由香港首位 Master Brewer 創立嘅本地精釀拉格啤酒品牌H.K. Lovecraft合作釀製全新產品 Coffee Lager，新產品唔單止萃取咗Blue Bottle Coffee 嘅Bella Donovan 咖啡中帶有酒香嘅風韻，更揉合咗傳統Lager濃濃嘅麥香和鮮明嘅啤酒花香氣，仲帶有糖漬柑橘調，乾身而爽口的餘韻帶出由咖啡延身的美味體驗。

Laurie仔細問過，Bella Donovan係Blue Bottle Coffee 嘅一種混合咖啡豆，口味帶點覆盆莓、巧克力與蜜糖風味，融入充滿傳統德國風格、富有柑橘味道的Lager之中，令每一口都散發着酒香和焦糖香氣，更帶有糖漬柑橘調，口感乾淨清爽，而喺Lager嘅麥芽味中又更保留咗咖啡風味，最啱作為餐前與小酌聊天，或是工作後放鬆之選，實行以咖啡香氣與啤酒微醺嘅滋味消除疲勞。

作者：Laurie Wu（愛保健愛旅遊愛購物的熟女）
[email protected]