鄭裕玲嫌C君陸永醜樣 張敬軒上《男神廚房》展現三鑊廚藝

鄭裕玲（嘟姐）、王菀之和何廣沛主持的新節目《男神廚房》今日在將軍澳電視廣播城進行拜神儀式，並請到男神張敬軒、陳家樂、胡定欣及湯怡等擔任嘉賓，嘟姐表示好開心張敬軒來幫手，可以看他的廚藝。

軒仔笑言：「應該食完冇事，至於係咪好味就見仁見智，今次我會煮蝦挑戰西餐，事前都有補課。」問他有多少勝算？他說：「我知道陳家樂係煮得之人，我就得『三鑊』水準。」問到為何不教家傭「遮遮」煮番幾味？他稱任由她自由發揮，雖然廚藝差，但執拾乾淨企理，自從上家政堂後已有改善。嘟姐笑指他「無啖好食」做這行能保持瘦身也不錯，軒仔說：「瘦同營養不良係兩回事。」嘟姐讚他是好老闆。

嘟姐本身不會入廚，但嘴刁好識食，在節目中她要評分，並要求色、香、味俱全，即使男神養眼，煮出來食物不好吃也會扣分。是否不會邀請陸永及C君做嘉賓？她說：「兩個咁肉酸，邀請上節目係侮辱人。」軒仔指各花入各眼，嘟姐直指兩人醜樣，雖然是有才華，但大把人有才華，指軒仔都有才華，軒仔站在嘟姐身邊，戲言原來這個是「三煞位」。