張敬軒計劃搞以物換物活動 場地至少需5、6千呎

張敬軒和林芊妤（Coffee）今日在銅鑼灣出席活動，軒仔早前在社交網自爆取東西時弄傷腰部，他透露已漸漸康復，並即場示範伸展動作以證明已經無事，軒仔笑說：「之前爬樓梯執倉期間聽到電話響，唔小心踩空一級跌落地，我已經醒目扭一扭背部先落地，但可能就係呢個動作拉傷咗肌肉。」軒仔表示已經照了X光，骨頭沒有大礙，現在只是有少少酸痛，不過之後還要接一個特別的project，他續說：「要爬上好高嘅地方，克服畏高，都要開始接受訓練。」

另外，軒仔有意明年搞一個以物換物的活動，因自己收藏品太多，加上近來朋友之間都有類似做法，令他覺得既環保又有意義，自言是年青人版的救世軍，他笑說：「我有好多英式銀器同復古傢俬可以用嚟交換，想換啲慳位同簿啲嘅嘢，今次受傷都係因為執倉，不過場地方面至少要5、6千呎，好多嘢都好大件，我有朋友仲係儲電單車，之前王菀之幫一套動畫配音，電影公司送咗一套1:1嘅動畫角色，佢冇地方擺就送咗畀我，其實就算唔係所有物件都用嚟以物換物，都可以將部分做展覽，亦有計劃同慈善團體合作。」