星島獨家│王菀之夥Do姐奉旨𥄫靚仔 《男神廚房》開工前落足工夫𠱁老公

曾志偉今年年初回巢TVB，做出不少正面改革，而且贏得不俗口碑！令被委以重任的創意官王祖藍亦要急起直追，據知他將與內地綜藝合作，開拍新飲食綜藝《男神廚房》，要駕馭一班男神，除了經驗老到的Do姐鄭裕玲外，「人妻」王菀之亦將會加盟，拍住Do姐做主持！快將要火力全開地𥄫靚仔，王菀之事前當然把握時間陪返老公Eric So夠本，好好享受拍拖時光！

撰文∣娛樂組　攝影∣錢文坤、孔志豪

　　曾志偉和王祖藍早年曾離開TVB一段時間，今年年初他們被召回巢，進行大改革。回巢後的志偉和祖藍隨即被宣布加入TVB的管理團隊，積極對綜藝節目進行改革和構思新節目，誓要重震聲威！

捲土重來

　　曾志偉回巢初期原出任副總經理兼行政委員會特別顧問，他一上任即對多方面大刀闊斧進行改革，例如和斷絕合作多年的幾家大唱片公司破冰，被封殺多時的歌手得以重現TVB，又陸續推出九大全新綜藝節目，包括新聞資訊節目《尋人記》、《艾粒x農夫特備節目》、配音真人騷《好聲好戲》、音樂選秀節目《聲夢傳奇》、媽媽吐心聲的《日日媽媽聲》、清談節目《諸朋好友》、《演鬥聽》、大型綜藝娛樂直播《開心大綜藝》及全新面貌的《勁歌金曲》。任職八個月，上月志偉又再升職，一躍成為節目內容營運總經理，升職快過火箭！「升呢」高層後，志偉滿腹大計。知情人士透露：「志偉已經計畫籌備不同類型的節目，例如綜藝、音樂、合拍劇集，佢希望可以培育更多人才，所以招攬了很多台前幕後的年輕人加入團隊！」

王祖藍力推兩大計畫

　　志偉再上層樓「坐正」做總經理，雄心壯志的他招兵買馬擴大團隊兼培育新一代人才，另一邊廂，被委以重任的創意官王祖藍亦不敢怠慢，加把勁為公司洽談更多新節目！早前王祖藍曾透露有計畫與內地綜藝合作，隨即傳出內地芒果TV將與TVB合作舉辦「超S級港樂歌唱競演節目」，由《我是歌手》原班人馬製作，招募18歲以上人士重塑經典金曲。另外，橋唔怕舊，最緊要受，除了音樂節目，他將會仿效當年經典節目《美女廚房》，開拍飲食綜藝《男神廚房》，王祖藍積極籌備這兩項大計！

　　據知《男神廚房》邀請了金牌司儀Do姐擔任主持，確保夠叫座力。知情人士又透露：「2006年，TVB首播《美女廚房》的確大受歡迎，當年仲要有鄭中基、方力申同梁漢文做主持，幾個男仔加埋成班靚女助手『粥粉麵飯』好有化學作用，嗰陣每一集都有美女做廚神，王祖藍就認為在這個時勢製作《男神廚房》，必定吸引到唔同年齡層嘅觀眾追睇，不過大前提一定要物色好多靚仔兼夠話題性嘅『男神』參加！所以初步構思，除了有男藝人外，仲會有素人參加！祖藍知道實會有人話抄襲當年嘅節目，所以新節目大方向佢哋都仲度緊，希望加入更多新元素，務求帶畀觀眾新鮮感！」

王菀之攞正牌「睇仔」

　　據知《男神廚房》十月中正式開工，現已成功邀得Do姐做主持，叫座力不容擔心，加上一向有品味的她，對靚仔情有獨鍾，她既眼光獨到又甚有要求，所以節目中能夠畀Do姐「特別寵幸」的「男神」，一定前途無限！除了Do姐，曾經和王祖藍合作拍《老表，你好嘢！》的王菀之亦獲邀出山拍住Do姐做主持。內部人士爆料：「Do姐出名鍾意有禮貌兼上進勤力嘅靚仔，大家見佢IG淨係follow兩個人，就係王嘉爾同姜濤就知啦，有Do姐做主持，問題一定夠尖銳抵死，一定好睇！而王菀之呢排忙和音樂人伍仲衡的音樂企劃宣傳，之後就會投入準備節目，王祖藍早前邀請佢做煮食綜藝主持，佢即時一口答應，王菀之一向畀人感覺係講嘢好有幽默感又夠直接，有嗰句講個句，所以事成嘅話，佢同Do姐兩個對住成班靚仔肯定好有火花！」

開工前陪老公嘆咖啡　　

王菀之（Ivana） 和老公Eric So（蘇卓航）結婚五年依然恩愛有如新婚夫妻，無論去哪裡都會孖公仔現身。作為人妻的王菀之即將擔任《男神廚房》主持，攞正牌「睇靚仔」，她明知開工之後會有排忙，收視好的話更可能添食，為免老公被冷落，她趁住節目開拍前，將大部分時間都陪住老公，享受二人世界！

　　早前一個周日假期，大約下午5時，Ivana和老公Eric So現身中上環區太平山街，兩公婆與兩名朋友一齊嘆咖啡，一身便裝的Ivana和朋友一邊飲咖啡一邊談天說地，見她表現得手舞足蹈，似乎非常開心。未幾，Ivana兩公婆和朋友齊齊離開咖啡店，行出店外依然意猶未盡繼續雞啄唔斷。此時，Ivana發現有記者影相，揮揮手友善地打招呼後，一行四人就徒步到普慶坊一家香水店，Ivana跟店主有傾有講甚為熟絡，更逗留了超過一小時才離開，她亦大方向記者透露趁假日出來飲咖啡，見見朋友。

《美女廚房》夠經典

　　王祖藍今次開拍《男神廚房》，絕對和06年TVB經典《美女廚房》有九成相似，當年《美女廚房》是由日本電視台授權香港電視廣播有限公司拍攝製作的烹飪遊戲節目，每集邀三位美女藝人進行廚藝比賽，亦邀兩三位男藝人作為評判，由鄭中基、方力申及梁漢文主持，節目大受歡迎。第一輯推出時曾破42點收視，打破了《超級無敵獎門人》紀錄成為最高收視的遊戲節目，期後更有特別篇包括：《美女廚房天堂地獄爭霸戰》、《美女廚房至尊孖寶大賽》、《美女廚房團年飯》等。3年後TVB決定再添食第二季，當時除了有女助手，又有美少女廚神參賽。不過2018年再做第3輯，主持換上蕭正楠、林盛斌及張振朗後，口碑與收視就大不如前！

原文刊於《星島日報》名人雜誌（逢周日見報）