男神廚房丨胡定欣廚藝被劣評 渴望找到識下廚男人

胡定欣早年參加《美女廚房》節目得劣評，她笑言今次是來看哪位男神煮得又靚仔：「識煮嘢食當然會加分，喺視覺上已經係享受，未食已經好甜，我都渴求揾到呢個人。」最近定欣跟爸爸學打網球，她透露爸爸以前是足球員，兩父女以往不會一齊做運動，但打完第一次網球後便愛上，定欣有意認真找教練學。提到網友讚她的爸爸後生又靚仔，定欣笑說：「爸爸有做運動，所以保持得好好。」

今年沒有劇集推出的定欣，最近拍攝的《白色強人II》要明年才推出，說到好姊妹黄智雯、姚子羚及林夏薇今年有望角逐視后，她說：「好鍾意黄智雯同袁偉豪呢對CP，覺得佢哋喺螢幕上好襯，雖然大家都熟悉，但見到佢哋結婚呢場戲都相信係真。」此外，她十分期待子羚演出的《拳王》以及薇薇的《七公主》，定欣笑言：「手掌又肉，手背又肉，希望佢哋都有好成績。」