艾粒大談BL熱潮 異口同聲接拍有隱憂：顏值唔夠

男子組合艾粒成員甄子康（少爺占）及唐劍康（當奴），近日接受「黃Viu煲劇平台」的《同煲同BLOW》節目，主持麻利的訪問，大談近年各地大熱的BL熱潮。少爺占曾在廣播劇中飾演同性戀角色「朱艷強」而大受歡迎，之後不時以此名義開騷，早與 BL 結下不解緣，他表示：「我都成日會睇 BL 劇為『朱艷強』取材，加上依家BL始終係大氣候，幾乎每套劇都會加入呢個元素。我自己會推介最近嘅泰劇《Bite Me The Series》，因為兩位男主角顏值都好高。」相反，當奴坦言起初對BL有點抗拒，直到日劇《大叔的愛》才令他有所改變：「我好鍾意入面嘅『阿牧』林遣都，覺得佢演到好內斂嘅感覺。」

若要合演BL劇會否接受？兩人不約而同有隱憂，就是顏值不夠。少爺占笑言：「拍BL劇要狀態好好，所以如果對自己個樣唔夠信心都拍唔到BL。」至於當奴比較鍾情古代 BL劇，本身是《哲仁王后》粉絲的他表示：「《哲》係講一個現代直男穿越咗去古代王后嘅身體入面，我好鍾意呢類題材，始終喺古代BL唔係咁容易接受，好多故事都發生喺錯摸嘅世界，禁忌得嚟又帶啲含蓄。」