樂●活｜發掘香港山林之美

放假約朋友去行山，已經成為唔少人的約會。唔講唔知，喺香港呢個城市，山係佔咗呢塊土地嘅70%，與山林的關係似遠又近。有人話漫步山巒古道、水塘石徑間，與萬物共鳴，可以讓疲倦身心中得到療瘉。

當山林逐漸走進我哋嘅生活日常時，我們究竟要點樣欣賞山林之美？又可以怎樣善待、回饋山林？PMQ由即日至6月5日會舉行山林祭，邀得山野愛好者、設計師、環境錄音師、生態教育團體、本地種植單位等，以港島徑作藍本，透過互動展示、聲音裝置、選物市集、講座分享及工作坊，讓大家認識、感受香港鮮為人知嘅山林美學。

香港嘅山徑面貌可謂獨一無二，貼近城市大廈之餘同時又保留了生物多樣性。設計團隊MIDWAY嘗試運用草途木研社提供的本地木材，再融入港島徑嘅生態特色，喺PMQ地面廣場，以一組大型裝置模擬香港山徑中具代表性嘅港島徑，希望用視覺、觸覺讓大家感受山徑的變化，鼓勵大家在未來日子裡，親身走上香港的山徑，實地近距離接觸大自然的各種面貌。

聲音藝術家AK IN KK ‒ Nature Field Recording Hong Kong就設計咗兩組聲音裝置，包括《聲聲樹》及《自然聲休憩處》。前者以多個迷你喇叭組成，將微小嘅聲音在「樹」上掛疊；後者就提供本地山徑不同時份及地段嘅聲音意象，並透過高低不一嘅喇叭，營造山野嘅空間感，大家在忙碌中稍作小休，吸收自然聲音帶畀我哋嘅正能量。

除咗現場環境營造成山林外，活動期間亦有售賣唔同嘅手作食物、工藝品、戶外及露營產品嘅攤檔，讓大家可以為走近山林作好充足準備。現場仲有多場由山野愛好者嘅分享會，例如「慢遊與快走山林」嘅兩位講者會以截然不同嘅步伐與角度，同大家分享喺山中嘅觀察和發現；「尋找山野的快樂」就會有團體「山城縱走」同「原野π」分別分享從書本找尋現實風景，以及以短片介紹山林之美，分享慢活山林生活以及本地山林嘅壯麗一面。現場仲有少得可以落手落腳去參加和創作與山林相關嘅工作坊，當中包括山林刺繡、竹結胸針、再生木匙、棉麻袋、酸種麵包、室內森林浴等工作坊，讓大家認識動植物嘅生物多樣性，以及如何將山林資源化作設計小物。建議大家可以先進行網上登記（按此）參加，再安排呢一趟感受山林之美嘅活動。

想親親大自然，又想滿足購物慾望，兼想感受清新綠意口嘅度假氛圍？可於即日至6月5日及6月18至19日到馬灣來一趟綠意盈盈購物之旅。由香港挪亞方舟主辦、香港基督少年軍協辦嘅森活市集，為大家提供一個在綠意盎然嘅環境，一邊感受初夏微風，一邊在藍天碧海為伴嘅心意海濱長廊，閒逛特色市集，參觀與綠色生活息息相關嘅攤位，如本地出產的新鮮有機農作物、 滿載綠意嘅玻璃瓶微景觀盆栽、手工素食品、手作皂、手藝文創精品。

作者：Laurie Wu（愛保健愛旅遊愛購物的熟女）
[email protected]