樂●活｜逛展覽市集 反思激發想像

長周末假期，除咗行街Shopping，吃喝玩樂，安排一日去睇下展覽，透過欣賞唔同策展人、設計師、創作者憑着作品，帶出唔同嘅內容、故事，為自己帶來反思或思維嘅激發，亦係唔錯嘅選擇。

講起夢，你會諗起啲乜？夢嘅演繹漫無邊際，可以係閉目入眠、夢境浪遊，亦可以加入想像、遠見、努力嘅未來目標。香港設計中心設計光譜由即日至7月17日會喺灣仔茂羅街7號舉辦主題為大夢細想（Dream Big Think Small）嘅展覽，邀得設計師梁展邦擔任策展人，以21世紀嘅設計視覺，向公眾闡述「夢」嘅不同維度及層次。

設計師們除遊走在真實及虛擬設計成品外，還有探索世界可能性的推測設計，其起始點立足於一個虛構想像，加以深化及發展設計概念，令社會更貼近「夢想」。大夢細想嘅展品呈現設計師對未來嘅想像，當中部分更已經成為現實，並非純粹天馬行空嘅概念。展覽分為四個展區，切入並連結「夢」與「設計」，闡釋「夢」嘅多個面向，更邀請了來自4個不同界別嘅香港設計單位合作，因應主題而設計了兩個既夢幻又帶點幽默感嘅花園，透過視覺、聽覺和觸感，讓參觀者一同發夢、築夢。

大家仲可以一同於展區4動手「造夢」，參與由擅長升級再造嘅設計師張瑋晉及紙藝創作團隊STICKYLINE 構思嘅兩個免費的DIY項目,如利用廢棄飲品罐製作成可動的雀仔玩具，即場動手製作出自己的夢幻玩味作品。

近期NFT成為全球熱話，中環海濱活動空間由即日至6月12日舉行全亞洲最大型嘅戶外NFT藝術展覽ARTAVERSE，展場分為三大展區，包括ART BOX、ART HUB及ART STAGE，展出包括NFT藝術品、本地藝術家及名人的作品，所有展品都可購買，展覽期間亦會舉行VR及AR互動體驗、藝術與科技講座及研討會、周末期間會有音樂表演。

ARTAVERSE展覽嘅ART BOX有超過20個獨立展覽單位，包括亞洲最大嘅NFT收藏家CoinUnited.ioz、本地設計卡通品牌B. Duck、Clubfanx x 知名藝術家Wing Shya夏永康等。ART HUB就有4個專區，其中名人專區就有ARTAVERSE專家顧問及藝術科技大使陳奐仁、許廷鏗、Hiro Yoshikawa、謝安琪等人嘅展品；NFT專區更有台灣大熱NFT項目《Alpacadabraz羊駝》，以及由一眾出色藝術家Bad Face Bots （BFBS）、李璨琛等人合作的NFT項目。展覽亦會展出「九龍皇帝」嘅NFT項目、本地藝術家黃玉郎的NFT和版畫等。

至於韓國LYCHEE & FRIENDS與多位數碼藝術家攜手合作，推出限量版荔枝熊「LYCHEE」NFT項目。LYCHEE首批限量系列將推出20幅立體藝術圖像已正式於以太坊區塊鏈上發行。每款「LYCHEE」NFT均配搭獨一無二的設計造型、配件、面貌、屬性與顏色。經過精心策劃的「LYCHEE」NFT藝術項目，將為各收藏家帶來結合元宇宙與現實世界的體驗，除了即時獲得獨家會籍，尊享一系列禮遇、遊戲及活動機會，更將被納入白名單，擁有優先鑄造第二代「LYCHEE」NFT項目的資格。LYCHEE & FRIENDS亦有參與Artaverse，除咗可一覽最新首批「LYCHEE」NFT項目外，還會展示及售賣多個官方聯乘藝術家作品，包括藝術家版畫、雕塑及潮玩等。

 另外，中環街市就由即日至7月16日期間舉行《細塑今昔 · 智建未來》微型藝術展覽，展出共100件富香港元素的模型精品，當中有25件更是首次亮相，包括全人手做的黃大仙祠風車檔、沙田龍舟競渡、蘭桂坊、戲曲中心等，展覽邀請本地微型藝術家，配合科技、AR技術以及電腦雕刻及動畫等，帶觀眾回到懷舊香港場景，重現香港人集體回憶。。

除咗展覽，仲可以去由飲品品牌道地由即日至6月13日喺沙田新城市廣場舉行「忘不了。陪我⋯⋯逛道地小市集」，除咗宣傳兩款新推出茶飲荔枝紅茶及橙紅茶外，更為大家提供一個可以放鬆心情打卡兼創造「忘不了」嘅夏日嘅機會。市集準備了一個合照環節「忘不了。陪我·與林明禎合照PhotoBooth」，讓大家與甜美女神林明禎同框，甚至帶「她」回家。場內指定日子會設置「即影即有相機」，顧客於場內小店消費滿指定金額即可得到與林明禎相框合照的4R照片。場內除有具日式小清新風味嘅粉橙色系花園外，更有玻璃小屋群，讓大家發揮攝影創意，不論係喺彩色玻璃屏風小屋、設有發光熱氣球造形燈嘅玻璃小木屋和小茶座，光線接觸不同位置嘅玻璃和於玻璃前物件，均折射出不同光線，大家可以創造不同嘅打卡效果。

作者：Laurie Wu（愛保健愛旅遊愛購物的熟女）

 

[email protected]