樂●活｜今年中秋星閃閃

五月糉都未食，就急急同大家講中秋，皆因其中兩個品牌先後揭曉咗今年嘅代言人兼月餅早鳥優惠。

其中以上乘原料、工藝精巧，包裝精緻，100%香港製造為賣點嘅皇玥，今年就邀得古天樂任代言人，為皇玥拍攝了一系列嘅平面廣告及廣告片（按此），並已經開始在網絡媒體、各大商場播放，位於旺角門店8 x 6米嘅巨型嘅廣告牌更是矚目矚目。

今年皇玥就全新推出花膠奶黃月餅，採用全手工製作並限量發售，挑選金黃厚身嘅極品花膠，浸發烹調後切粒，融入香滑奶黃餡中，為月餅注入新奇又奢華嘅內涵，珍貴嘅月餅襯以琥珀橙色禮盒，配以經典嘅皇冠設計，高貴優雅。即日起至6月30日更可以優惠門店優惠價$1,098買到至尊系列 — 皇至尊月餅禮盒，內有花膠奶黃月餅、流心奶黃、流心芝麻、流心榴槤、流心薑汁、流心綠茶月餅及雙黃白蓮蓉月餅共11件（原價$1,388）；另外，9件裝至尊系列 — 玥至尊月餅禮盒就可以門店優惠價$698買到，內有花膠奶黃月餅及流心奶黃月餅。（原價$888）

為照顧注重健康人士嘅口味，皇玥更有低糖系列，採用麥芽糖醇代替白糖，大幅減低糖分，並將餡料及餅皮配方比例大幅調整，健康滋味兩兼顧，有低糖奶黃、低糖芝麻、低糖綠茶及低糖烏龍茶月餅，門店優惠價由$208至$348不等。

皇玥嘅月餅禮盒亦都係賣點之一，以繁複紙藝打造而成，全手工紙皮盒，保留了充滿質感嘅皮革紋理，禮盒嘅邊緣設有整齊車線綫點綴，凸顯優雅大氣及高貴品味。雙層長形禮盒中載有6件精緻月餅，禮盒色彩用了時尚嘅青瓷綠及天空藍，上掀蓋設計線條俐落，更添精緻細膩，今年更新推出嘅淺紫色禮盒，時尚優雅，美觀實用兼備。佳節過後，月餅禮盒更被賦予第二次生命，化身成首飾寶盒，盡顯典雅氣質，門店優惠價由$288至$298不等。

 去年一開始預購已經引起去搶購嘅Häagen-Dazs，今年繼續有姜濤任代言人，更聯乘法國羅浮宮博物館，以「The Masterpiece of Masterpieces」為主題，將藝術品化為味覺與視覺感官饗宴。禮盒包裝以羅浮宮著名雕塑作為設計靈感來源，加上雪糕月餅配搭各款果漾夾心，每款皆媲美珍稀藝術品選其中殿堂◆瑰月（黑朱古力杏仁雪糕 X伯爵茶拖肥夾心 X夏威夷果仁雪糕，早鳥價$1,147），以脆脆榛子朱古力果仁外層包裹不同雙層口味雪糕，配上濃郁拖肥夾心明月。禮盒重現勝利女神尼克展翅欲飛、飄逸嘅氣勢，描繪出勝利女神雕像嘅輪廓，以金色線條環繞設計，為中秋添上別緻嘅藝術意境。羅浮◆映月（清新日向夏蜜柑檸檬夾心 X士多啤梨雪糕，早鳥價$809）就是以多彩雲石紋嘅朱古力脆皮搭配經典雪糕口味，並以維納斯女神嘅美麗和魅力為靈感，結合玫瑰、珍珠和藝術曲線，呈現在禮盒設計之中。另有，九星◆賞月及七星◆藝月，禮盒靈感源自古希臘神話中智慧、藝術和工藝嘅女神雅典娜，以及愛神丘比特。

至於經典月餅系列禮盒（早鳥價$239-$320）則以羅馬神話中嘅大自然女神戴安娜作靈感，以月亮、樹、鹿角和女神卷髮等戴安娜象徵嘅元素設計禮盒，展現生機蓬勃嘅自然之美，分別有賞◆復古、賞◆明月及賞◆華麗，每款口味不同。

今年推出全新賞◆歡聚冰袋套裝，一套集結多款特色雪糕月餅口味，幻彩冰袋造型帶來極致藝術感，配搭可拆式書包帶，令冰袋嘅用途更廣範（早鳥價$289-$405）。

 

即日起至8月8日於Häagen-Dazs專門店或網上商店訂購各款雪糕月餅，一般客戶可享低至68折早鳥優惠，特選客戶Häagen-Dazs Club金卡、銀卡會員或DBS信用卡持卡人客戶更尊享低至64折。另凡購買任何雪糕月餅兩盒或以上，每盒均可獲贈單球雪糕券及雪糕蛋糕$50優惠券；而購買５盒或以上，可獲贈「Thank You Gift」禮券，每套包括3張單球雪糕券、以及雙球雪糕買一送一券、堂食雪糕火鍋$100優惠券、雪糕蛋糕$80優惠券、禮券套裝9折優惠券及Häaburger第二件半價優惠券各1張。

作者：Laurie Wu（愛保健愛旅遊愛購物的熟女）
[email protected]