樂●活｜放假去邊玩？

唔知大家平日放假通常會做啲乜，或者鍾意玩啲乜？同大家分享兩個最近去過覺得幾值得推介畀大家放假時去玩嘅好地方啦！

劇本殺係其中一個近年大熱嘅活動，通常係一班朋友圍埋或者用App遙距一齊玩嘅卡牌遊戲，並由由主持人主導活動流程和氣氛。最近，朋友分享咗一個更刺激嘅玩法，以全實景加上逼真的布置加強玩家的代入感。第二人生體驗館內嘅布置還原度高，且為每個劇本度身訂造指定場景，將場景活現玩家面前，營造真實感，令玩家猶如親歷其境，令遊戲體驗不再限於文字嘅想像。每名玩家更可根據劇本內容和角色選擇，分配對應角色嘅專屬服飾和道具，配合現場嘅音樂、燈光，令玩家更容易全心全意投入角色，以第一身視覺和感覺投入到遊戲內，感受劇情帶來嘅衝擊。

Laurie玩咗《盂蘭勝會2之紅塵俗世》，故事背景係發生喺民初時期嘅香港鎖羅門村，村落內空無一人，只有被困於地府嘅鬼魂和被囚於地獄嘅惡鬼，即使你能在村內遇見人，卻不等於「佢哋」係活着，係人係鬼就要靠玩家憑藉綫索自行分辨。故事中更有不少鬥志鬥力，考驗膽量的任務，適合膽大玩家前來挑戰。

想輕鬆啲玩遊戲的話，可以試試歡樂劇本《試映會》。故事背景係80年代嘅香港，萬眾期待嘅歡樂情趣電影《官人，我又要發財！》亦終於完成拍攝，即將舉行試映會，正當萬事俱備，觀眾亦陸續到場時，卻發現原片突然遺失，到底當中是人為失誤抑或存心陷害，大家可以喺實境電影院場館內找出偷走原片嘅幕後黑手，實行趁放假暫時抽離自我，以新身分投入到全實境嘅第二人生故事。

如果鍾意狗狗同埋想帶埋家中嘅主子一切影相的話，可以參加新都會廣場嘅DOGA大師班。現場一班萌犬出盡渾身解數，擺出可愛和專業滿分嘅瑜伽Pose等大家同佢哋一齊練習瑜伽兼打卡。位於商場L4嘅巨犬柴柴擁有4米高身型、精靈嘅大眼，愛笑嘅牠嘴角上揚，腳踭輕輕一動，就能展現美犬身段。而在牠身旁的法鬥，天生肉肉，雖然有大肚腩但不會礙事，看牠單腳放在瑜伽球上，秀出「圓」美平衡嘅體態，另一邊就有小短腿哥基，腳仔短短卻耐力十足，利用瑜伽輪，即場表演一字馬，展示瑜伽功架。樓梯中間的白色法鬥仔，恬靜寫意地在懸吊半空嘅瑜伽掛布上奔馳，充滿動感。

入夜後，建議大家可到L4夜光空中平台，兩邊平台分別擺放了幾組以歐陸簡約設計的發光打卡位，大家可以由下午玩到傍晚。

作為寵物友善的商場，新都會廣場亦悉心為毛孩準備了一系列寵物設施，包括寵物車及袋借用服務、寵物外出清潔用品、狗帶、寵物急救包等，另外更設置Dog Parking及便便收集筒，衛生又便利，令寵物主人放心，狗狗也可玩得開心。

活動期間，除可以到DOGA大師班影樂●活｜放假去邊玩？相打卡外，愛寵也可幫忙做善事，成為小寵物英雄商場首次聯乘本地兩間著名非牟利動物組織 - 動物英雄聯盟及阿棍屋，宣揚愛護動物及尊重生命的訊息，亦可透過是次活動的全數款項及物資救助更多需要照顧的毛孩。主人只要拍攝一張有寵物在旁陪伴、監督或者發呆看着你做運動嘅相片，之後上載到個人Facebook或Instagram (分享對象必須設置為公開)，並Check in 新都會廣場及加上活動指定標籤 #DOGAMASTERCLASS #ONESTEPONEPAW，新都會廣場便會捐出$20及2KG狗糧予動物英雄聯盟及阿棍屋作慈善用途，上載合照次數不限，大家可以與寵物持續做善事彰顯愛心。

作者：Laurie Wu（愛保健愛旅遊愛購物的熟女）

 

[email protected]