樂●活｜酒界新貴

余市、響、竹鶴等日本威士忌，相信唔止愛酒之人，就算較少飲酒嘅人都一定曾經聽過佢哋被炒到天價嘅資訊。

相對傳統威士忌，日本威士忌主張純淨釀造工藝，口味較輕柔，更貼近亞洲人口味，喺香港亦備受矚目。最近日本威士忌新力軍富士金襴FUJIKINRAN進駐香港，鍾情日本威士忌嘅朋友又有多一個選擇。

原來富士金襴中嘅「金襴」係指名貴嘅金絲袈裟，而呢款酒的可貴之處就在於水、桶和人嘅調配。呢款威士忌係採用富士山脈地下250米嘅山泉水，因為經多孔火山岩過濾，略呈鹼性且富含礦物質，加入威士忌釀製，入口時有如天鵝絨般光滑，口感清澈純郁。

至於釀酒嘅桶就用咗北海道獨有嘅水楢桶，呢幅水楢木需要200年嘅生長周期，先可以成材製作楢木桶，經過釀製工序和一定的陳年時間，為富士金襴帶來絲絲檀木香氣同橡木嘅甜味。

富士金襴係由擁有超過30年釀造威士忌和葡萄酒經驗嘅日本國寶級釀酒大師渡邊謙二主要調和釀製，而佢嘅釀製理念是永不失焦，堅信對工藝要有足夠的時間與耐性，盡顯他堅定的日本匠人精神。

帶果味香甜，伴隨陣陣木質和香料，入口清新順滑，酒體醇厚係唔少飲過富士金襴嘅評價，可以話係一種非常溫柔嘅日本威士忌。富士金襴現於LIQUID GOLD、HK Liquor Store Room及卓譽酒行，及指定網店公開發售。

講開酒，順帶一提，法國啤酒品牌1664喺月初推出咗一個聯乘限量創作嘅預告廣告，引起唔少人估會係同邊個藝人合作，噚日已經揭盅係會同姜濤合作， 3 款1664 x Keung To 聯乘限量版小麥白啤酒就會喺於5月中旬起，於各大超市、便利店及全港指定的合作餐廳登場。

今次1664 x Keung To聯乘系列不但邀得本地著名藝術家兼王家衛導演的《花樣年華》電影海報設計師 Rex Koo 參與設計，更設有「限量珍藏禮盒套裝」和多項神秘活動。參與設計的Rex Koo 以1664標誌的藍白色為主要用色，配上品牌特色嘅檸檬芳香，加上姜濤嘅標誌元素，以其平面設計常用嘅格子、幾何圖形等Pop-Art元素，展示姜濤於鎂光燈背後嘅生活面貌。3 款聯乘限量版包括以「Day & Night 日與夜」、「 Romance 浪漫 」及「 Playfully Elegance 優雅玩味」。而5月25日起，1664特別把「姜濤灣」打造成享受法式玩味生活嘅起點，讓大家可以打卡或乘搭「1664 x Keung To 聯乘限量版小麥白啤酒」專屬電車穿梭大街小巷，想打卡的話就可以留意 銅鑼灣地帶大型廣告牌（5月25日至6月14日）、 銅鑼灣Sogo 百貨公司大電視廣告（5月27日至6月9日）及「1664 x Keung To 聯乘限量版小麥白啤酒」專屬電車（5月30日至6月26日）。

 

作者：Laurie Wu（愛保健愛旅遊愛購物的熟女）

[email protected]