樂●活|「糉」有一款啱心水

2022-05-22 12:00
仲有唔夠兩個星期就係端午節,點少得吃糉子過節,你諗到買邊款未呢?

●奇華餅家:一如既往,梗係唔少得傳統家鄉口味嘅五月糉糉,包括用料豐富上乘嘅雙黃金華火腿瑤柱裹蒸糉、甘香清甜嘅陳皮豆沙梘水糉、香辣惹味嘅極上珠姐XO醬五花腩肉糉,今年仲有新推出嘅韓式風味泡菜黑豚肉糉。韓式泡菜黑豚肉糉欣賞,香辣鮮甜嘅泡菜和肉香濃郁嘅黑豚肉互相配合,加上被泡菜汁完全包裹嘅糯米,再配上糉葉嘅香氣,別具特色。由即日至6月3日期間在奇華餅家全綫分店購買任何五月糉或五月糉禮券滿$80,即獲送$20現金禮券,而奇華Fans會員可額外獲得$30電子優惠券。持有Citibank信用卡購買奇華五月糉滿$100可享8折。

●恆香老餅家:除廣受饕客喜愛嘅金腿蛋黃鹹肉糉、經典恆香白蓮蓉梘水糉、足斤重一品瑤柱XO裹蒸糉及陳皮紅豆沙梘水糉外,今年推出專為素食人士設計嘅八寶齋糉及濃郁惹味嘅和風滋味櫻花蝦珍珠米糉。前者以混合多款營養豐富嘅健康穀麥包括藜麥,再加入豆類及花生,軟糯煙韌,口感豐富。後者則以傳統鹹肉糉為基礎改良,以日本珍珠米,再加入秘製醬汁烹調嘅腩肉、鹹蛋黃、瑤柱、栗子及花生等製作成充滿日式風味嘅糉子,並以鮮味鹹香嘅櫻花蝦作點綴,更附上秘製醬油,沾醬拌食,和風滋味再度昇華。現凡購買端午糉系列禮券10張或以上,即送瑤柱鮑汁XO醬,送完即止。

●IKEA:傳統糉子不少得鹹肉、火腿等濃郁惹味的食材入饌,咬下去啖啖油香撲鼻,IKEA嘅經典肉丸松露金腿原隻蛋黃糉,就採用咗金華火腿、頂級冬菇和原隻蛋黃,內餡更加入松露和IKEA人氣瑞典肉丸,配上滑順軟燸嘅糯米,口感煙韌帶嚼勁,且油而不膩。另外,仲有紅果子豆沙糉和素肉丸猴頭菇金栗素糉兩款素食之選,前者以平日用於瑞典肉丸調味嘅紅果子醬配上綿密甜滑嘅豆沙,清甜可口;後者就用咗由IKEA親自開發以豌豆蛋白、燕麥、薯仔、洋蔥和蘋果製成嘅植物素肉丸,並滲上以蘑菇、番茄、烤蔬菜製成的粉末提昇香氣,內餡同時加入濃郁香氣嘅猴頭菇和香甜軟糯嘅金栗,咬口十足。

●Green Common:經典口味牛肝菌新肉絲素咸蛋黃糭及五香新豬肉藜麥素糉今年採用改良配方,將經典味道重塑再昇華。以百分百植物性食材製成嘅牛肝菌新肉絲素咸蛋黃糭及五香新豬肉藜麥素糉,分別以OMNI新豬肉及OMNI新肉絲取代真肉,含有0克反式脂肪及0毫克膽固醇,飽和脂肪更比傳統鹹肉糭低85%,絕無添加味精及防腐劑。 其中牛肝菌新肉絲素咸蛋黃糭以多種健康食材製成,OMNI新肉絲配合素咸蛋黃、牛肝菌及栗子等食材,內餡豐富飽滿,糯米混合營養豐富嘅雜穀米及紅藜麥,為軟糯嘅糉子增添層次口感,素咸蛋黃主要由南瓜製成。由即日起至5月31日,於Green Common 門市或網店購買現金券,即享「買$800送$200」及「買$450送$50」優惠,售完即止。

●香港JW萬豪酒店萬豪金殿:首度推出端午糉子禮盒,內有金殿乾鮑瑤柱裹蒸糭及金殿日本紅豆糭。前者以清香嘅荷葉內有味濃帶溏心嘅南非吉品乾鮑魚、鹹香鮮美嘅頂級日本瑤柱和上等日本花菇、爽而不膩嘅關刀豬腩肉,還有韓國有機雞腿肉、湖南湘江全蓮子、油心鹹蛋黃、綠豆,更選用本地醬園頤和園嘅無添加醬油,味道份外濃厚鮮美。金殿日本紅豆糭就有綿甜嘅原粒日本紅豆、鹹香濃郁嘅油心鹹蛋黃、以及以頤和園醬油調味得宜的嘅關刀豬腩肉。如果饋贈親友可選優雅高貴嘅糉子禮盒,而追求環保或自己食的話可揀保溫袋套裝,兩者均包含一隻裹蒸糭和一隻紅豆糭。即日日至6月3日期間網上訂購則可享9折。

●8度海逸酒店:傳統滋味有以豬腩肉、厚身日本花菇,以雞油、五香粉及玫瑰露醃製,再放入瑤柱、油心鴨蛋黃、原隻蝦米、栗子及綠豆等以古法秘方製作嘅古法鹹肉糭。今年全新產品就有潮式風味嘅陳皮滷鴨糭及經典創新嘅醬皇梅菜扣肉糭。首創嘅陳皮滷鴨糭把整隻已去骨嘅妙齡米鴨米鴨放到滷汁中熬製兩小時,令鴨肉燜至入味,再混入糯米與傳統糭子頂級配料鹹蛋及花菇,口感層次豐富。至於醬皇梅菜扣肉糭,以端午糭子配入最為人熟識及喜愛餡料--客家傳統名菜梅菜扣肉,創新又副特色,製作餡料過程亳不馬虎,先把優質五花腩先汆燙,原塊下鑊半煎炸,塗上老抽醃料,再添入炒香過色澤金黃的梅菜、然後配搭上等醬汁及其它佐料,隔水至少蒸約一小時,精心烹調,每件肉塊吸收梅菜的香氣,而腩肉的豐腴油脂融入梅菜與秘製廣東式醬汁裏,梅菜扣肉在熱力下滲滿糯米中,糭子集合肉香、脂香及鹹香,混合客家與廣東特色,味道昇華至另一層次。

●百佳超市Baker’s Choice:有以泰國糯米包裹着西班牙黑毛豬肉及鮑魚嘅鮑魚黑毛豬裹蒸糉;由金華火腿及泰國糯米配以西班牙黑毛豬肉嘅由金華火腿及泰國糯米配以精選西班牙黑毛豬肉。另外,仲有 冬葉鹹肉糉,以及有齊原味鹼水及豆沙鹼水嘅鹼水孖寶 。即日至5月29日於百佳分店或網店購買任何Baker’s Choice端午糭可享至抵優惠價易賞錢會員更可獲5倍積分。

作者:Laurie Wu(愛保健愛旅遊愛購物的熟女)

lohaslaurie@gmail.com

關鍵字

最新回應

熱門文章