樂●活｜好戲連場

如果同Laurie一樣鍾意睇戲追劇的話，呢排真係不愁選擇。戲院重開，除咗一系列因為戲院關閉而延期嘅電影陸續上映外，Disney+ 亦有多齣新戲排住隊上場。

好似人哋人氣動漫《 BLACK ROCK SHOOTER》全新系列《BLACK ROCK SHOOTER DAWN FALL》會喺聽日（5月25日）於Disney+ 獨家上綫。由石川由依(Yui Ishikawa)、早見沙織(Saori Hayami) 和潘惠美(Megumi Han) 配音嘅《Black Rock Shooter Dawn Fall》共有12集，講述喺反烏托邦嘅未來世界，人類遭受人工智能推翻，黑岩射手(Black Rock Shooter) 係人類嘅最後希望，但佢已經消失多年，面對人工智能嘅威脅，只要再過幾星期，最後嘅反抗勢力也將永遠從地球上消失。究竟可唔可以扭轉乾坤，喺一切為時已晚之前拯救地球？ 《BLACK ROCK SHOOTER DAWN FALL》改編自日本插畫家huke創作嘅角色，除了這套最新推出嘅日本動畫之外，今年仲會有多部亞太作品陸續喺Disney+ 上映，包括由人氣漫畫改編的日劇《Gannibal》。

已經喺Disney+獨家播出嘅原創電影《救難小英雄》（電影版）可以話係一部唔少鋼牙、大鼻同迪士尼粉絲期待已久嘅作品。要數由鋼牙同大鼻擔任主角嘅動畫《小松鼠歷險記》(Chip 'n Dale: Rescue Rangers )原來已經係1989年嘅作品，事隔超過30年再重返大銀幕喺《救難小英雄》（電影版）再以「一醒一傻」嘅配搭，情懷滿分。電影中鋼牙與大鼻已於現代洛杉磯與人類共同生活。電影中嘅鋼牙喺已定居郊區，並成為保險推銷員；而大鼻就喺小舞台上演出，希望有朝一日能夠重返輝煌歲月。然而，一位前演員拍擋突然神秘失蹤，鋼牙與大鼻決定修復友誼，重拾佢哋「救難小英雄」嘅偵探角色，拯救佢哋嘅朋友。如果30年前已經看過電視劇，今次就可以重拾童真。劇透少少，除咗大鼻與鋼牙之外，電影入面仲有唔少迪士尼經典角色現身，包括《美女與野獸》嘅燭台(Lumiere)、《小魚仙》嘅比目魚小胖(Flounder)等。最意想不到嘅係有長大成人嘅崩壞版《小飛俠》(Peter Pan) 彼德潘成為反派人物。

除咗動漫之外，仲有改編同名19禁人氣網路小說、情喜劇《第六感之吻》會喺今日（25日）開始有得睇。劇集分別由飾演工作狂廣告項目主任洪藝述嘅徐智慧，以及飾演世界級奄尖霸道上司車敏豪嘅尹啟相主演。故事講述喺經歷5年工作壓力有增無減嘅洪藝述，終於對魔鬼上司車敏豪忍無可忍，但因一次工作上嘅意外，觸發了藝述預見自己竟然和最痛恨嘅男人敏豪激情擁吻，藝述一直努力不想讓這變成現實，卻逐漸演變成一段不可思議嘅浪漫情緣，韓劇迷一定唔可以錯過。

另外，經典科幻電影《鐵血戰士》（Predator）系列的最新鉅製《鐵血戰士：狩獵追擊》(Prey)由《黑袍糾察隊》 (The Boys）、《末世街10號》 (10 Cloverfield Lane） 導演丹卓登堡(Dan Trachtenberg)執導，並由《極地冰劫》（The Ice Road）的安芭米芬達（Amber Midthunder）主演，將於8月5日在Disney+獨家上線！

作者：Laurie Wu（愛保健愛旅遊愛購物的熟女）

 

[email protected]