樂●活|去銅鑼灣歎宮崎燒肉 嘗大阪芒果堂島卷

2022-05-15 12:00
自從食肆每枱人數、晚市堂食時間放寬,頻頻約朋友食飯,當然要試試新餐廳!

最近就去咗一間新開嘅日本過江龍餐廳,歎日式燒肉及和牛。呢間喺日本九州宮崎縣有多間分店嘅人氣燒肉放題餐廳宮崎肉本舖,亞洲首間海外分店最近喺銅鑼灣Sugar+開業。宮崎肉本舖(香港店)結合咗日本分店及其姊妹店「牛蔵」嘅特色,帶來120分鐘上盛A5和牛燒肉放題。

全店所有食材100%由日本直送,更全港獨家提供宮崎縣屢獲獎項的宮崎桜花牧場A5和牛外,仲選用九州鹿兒島的頂級A5和牛。餐廳以香港罕見嘅原隻「一頭牛」購入方式,帶來和牛的各種稀有部位,配上超過60款日式風味的熟食及飲品。

餐廳共設有4款套餐,嚴選來自宮崎及鹿兒島的A5和牛不同部位組合,包括宮崎A5桜花牛極上燒肉套餐、宮崎A5桜花牛嚴選燒肉套餐、九州A5和牛特上套餐及九州A5和牛套餐。其中點選極上及嚴選套餐可享用桜花牧場A5和牛燒肉拼盤(一份),更可無限追加A5和牛、內臟、黑豚、山雞、野菜,以及熟食,用餐時間為120分鐘。

店員更特別提醒,指正宗享用日式燒肉方法應該跟隨「由淡至濃」這個秘技,先從燒牛舌開始啟動味蕾,緊接着品嚐以鹽作簡單調味的和牛,享受最純粹的牛肉鮮味。最後,可以品味以不同醬汁醃制的肉品,體驗不同風味的和牛滋味。品嚐日式燒肉時建議可配搭紅酒,與和牛濃郁的味道互相交融,令味道更昇華。

以後去銅鑼灣除咗可以嘆燒肉,仲可以買埋同樣來自日本、大阪殿堂級蛋糕及甜品品牌Mon cher。最近Mon cher進駐銅鑼灣時代廣場city’super,為慶祝新店開業,Mon cher特意將完熟的芒果與大阪和式甜品風味相結合,炮製全新香芒蛋糕及甜品系列,更推出店舖限定芒果堂島卷(件裝)甜品,將芒果蜜甜清香提升至更高層次。

以香芒玫瑰花造型嘅芒果堂島卷(件裝)甜品挑選肉厚且細嫩鮮嘅香芒製作,燦爛嘅香芒玫瑰花伴以可愛嘅原味忌廉唧花,光看便已使人心情大好。甜品加入綿密細緻特製芒果忌廉堂島卷作底,盛載品牌的經典美味,將完熟芒果清甜與香濃奶味完美融合。

由即日起至5月22日,參與Mon cher Instagram限時動態濾鏡遊戲、截圖作紀錄並追蹤Mon cher專頁,於光臨全新分店時向店員展示截圖便可即享85折優惠;另外,由5月20日至22日,限時3天,每日頭50名顧客可以半價優惠購買大阪堂島卷一條,先到先得。

 

作者:Laurie Wu(愛保健愛旅遊愛購物的熟女)

lohaslaurie@gmail.com

關鍵字

最新回應

熱門文章