樂●活|換領限時限量精品

2022-05-12 16:00
唔知大家會唔會覺得,唔可以直接真金白銀買,好似便利店換購嘅聯乘精品、超市換購嘅小家電,以至唔同品牌推出嘅限量產品等係用換領而得到嘅就會特別想得到。有同感嘅的話,就一定會對以下介紹嘅換購品特別咁興趣。

首先要分享嘅就係維他檬茶推出嘅第二彈VLT澀得起迷你積木,積木分別印上6個生活上「澀得起情境」,等大家一邊飲VLT,一邊齊齊「澀得起」。由即日起於百佳超市、惠康超市、 U購select、7-ELEVEN及OK便利店等指定商戶,購買指定金額或數量的維他檸檬茶/菊花茶/氣泡茶,即可取機獲得VLT澀得起迷你積木乙件。

其中兩款「澀得起」兼充滿玩味嘅「VLT澀得起迷你積木」更設有巨型版咕????,玩味十足,呢兩款極具型格嘅「澀得起」Cushion於5月14日起一連兩個星期六及日,以好玩、快閃和夾公仔的形式送出,屆時在6間指定超級市場,買任何維他檸檬茶/菊花茶/氣泡茶滿$40,即可獲得一次夾公仔機會,隨時夾中巨型VLT澀得起Cushion。(換購詳情) 

至於生力清啤亦再度聯乘人氣插畫家麥東記 DONMAK & CO.,推出全新獨家限定山系禮品,以「夏日 ∙  活 ∙ 輕盈」為主題,插畫充滿戶外活動的元素。為迎接夏日露營潮,生力清啤特別推出兩用露營燈,設計用心,輕巧便攜,既可作露營燈,亦可作手電筒;備有三種充電方式,包括:太陽能 、USB及鋰電池充電,更設有多用掛勾,最啱鍾意露營嘅朋友們。

另一款限定山系精品不銹鋼露營杯,容量為500毫升,印有麥東記的插畫,刻畫種種夏日大熱的戶外活動。露營杯採用不銹鋼物料,確保身處戶外亦可以享受到冰凍嘅生力清啤,杯身特設戶外掛勾扣在背包位置,非常方便一眾戶外運動愛好者攜帶及使用。

只要由即日起至5月24日於 7-Eleven 購買生力清啤以單一收據買滿$30即可免費換領兩用露營燈,而不銹鋼露營杯酒可於5月19日至6月1日在Circle K以單一收據購買生力清啤滿$30免費換領。

作者:Laurie Wu(愛保健愛旅遊愛購物的熟女)
lohaslaurie@gmail.com


關鍵字

最新回應

熱門文章