乐●活｜好戏连场

如果同Laurie一样锺意睇戏追剧的话，呢排真系不愁选择。戏院重开，除咗一系列因为戏院关闭而延期嘅电影陆续上映外，Disney+ 亦有多出新戏排住队上场。

好似人哋人气动漫《 BLACK ROCK SHOOTER》全新系列《BLACK ROCK SHOOTER DAWN FALL》会喺听日（5月25日）于Disney+ 独家上綫。由石川由依(Yui Ishikawa)、早见沙织(Saori Hayami) 和潘惠美(Megumi Han) 配音嘅《Black Rock Shooter Dawn Fall》共有12集，讲述喺反乌托邦嘅未来世界，人类遭受人工智能推翻，黑岩射手(Black Rock Shooter) 系人类嘅最后希望，但佢已经消失多年，面对人工智能嘅威胁，只要再过几星期，最后嘅反抗势力也将永远从地球上消失。究竟可唔可以扭转乾坤，喺一切为时已晚之前拯救地球？ 《BLACK ROCK SHOOTER DAWN FALL》改编自日本插画家huke创作嘅角色，除了这套最新推出嘅日本动画之外，今年仲会有多部亚太作品陆续喺Disney+ 上映，包括由人气漫画改编的日剧《Gannibal》。

已经喺Disney+独家播出嘅原创电影《救难小英雄》（电影版）可以话系一部唔少钢牙、大鼻同迪士尼粉丝期待已久嘅作品。要数由钢牙同大鼻担任主角嘅动画《小松鼠历险记》(Chip 'n Dale: Rescue Rangers )原来已经系1989年嘅作品，事隔超过30年再重返大银幕喺《救难小英雄》（电影版）再以「一醒一傻」嘅配搭，情怀满分。电影中钢牙与大鼻已于现代洛杉矶与人类共同生活。电影中嘅钢牙喺已定居郊区，并成为保险推销员；而大鼻就喺小舞台上演出，希望有朝一日能够重返辉煌岁月。然而，一位前演员拍挡突然神秘失踪，钢牙与大鼻决定修复友谊，重拾佢哋「救难小英雄」嘅侦探角色，拯救佢哋嘅朋友。如果30年前已经看过电视剧，今次就可以重拾童真。剧透少少，除咗大鼻与钢牙之外，电影入面仲有唔少迪士尼经典角色现身，包括《美女与野兽》嘅烛台(Lumiere)、《小鱼仙》嘅比目鱼小胖(Flounder)等。最意想不到嘅系有长大成人嘅崩坏版《小飞侠》(Peter Pan) 彼德潘成为反派人物。

除咗动漫之外，仲有改编同名19禁人气网路小说、情喜剧《第六感之吻》会喺今日（25日）开始有得睇。剧集分别由饰演工作狂广告项目主任洪艺述嘅徐智慧，以及饰演世界级奄尖霸道上司车敏豪嘅尹启相主演。故事讲述喺经历5年工作压力有增无减嘅洪艺述，终于对魔鬼上司车敏豪忍无可忍，但因一次工作上嘅意外，触发了艺述预见自己竟然和最痛恨嘅男人敏豪激情拥吻，艺述一直努力不想让这变成现实，却逐渐演变成一段不可思议嘅浪漫情缘，韩剧迷一定唔可以错过。

另外，经典科幻电影《铁血战士》（Predator）系列的最新钜制《铁血战士：狩猎追击》(Prey)由《黑袍纠察队》 (The Boys）、《末世街10号》 (10 Cloverfield Lane） 导演丹卓登堡(Dan Trachtenberg)执导，并由《极地冰劫》（The Ice Road）的安芭米芬达（Amber Midthunder）主演，将于8月5日在Disney+独家上线！

作者：Laurie Wu（爱保健爱旅游爱购物的熟女）

 

[email protected]