樂●活｜和媽媽味遊世界

母親節點少得同媽媽食大餐，特別係社交距離措施提早放寬，可以最多8人一枱，兼晚市堂食延長至午夜12時，選擇自然更多！

想一次過試晒環球美饌，最好就係一間餐廳就有齊唔同嘅美食選擇！位於海港城嘅SAVVY最近就推出咗全新單點菜單，當中招牌必選菜式「虹吸」泰式大頭蝦冬蔭功、新加坡辛辣魚餅等。當然唔少得要介紹可近距離欣賞印度大廚即場製作嘅印式秘製咖喱羊肉配烤餅和印度咖喱蝦配搭印度雜菜、薄荷乳酪醬及印度蒜香烤餅，異國風味十足。值得一提，5月及6月嘅星期五及星期六，SAVVY私人貴賓廳將搖身一變成為迷你美酒市場，惠顧晚市即可免費試飲各國葡萄美酒，由酒商專家介紹美酒佳餚配對貼士，豐富餐饗享受外，亦可以優惠價選購各式佳釀，帶回家慢慢品嚐。 

如果媽媽鍾情傳統粵菜，就可以考慮尖沙咀凱悅酒店凱悅軒新推出嘅四道傳統手工新菜式以展現烹飪創意及對傳統粵菜嘅精心獨到見解。其中包括醉龍臥雲（陳年花雕龍蝦伴粉皮）、壽參藏珍（黃湯蝦籽扎蹄釀關東遼參）、梅欖骨、以及胭脂雙稻（子薑海皇脆米炒鴛鴦絲苗 ）。

如果想一家人圍爐打邊爐的話，就一定要試試牛涮鍋以「四川」為主題嘅放題餐目「四川風味遊」，有兩款四川代表性的湯底麻辣夫妻及酸菜白肉，而放題提供超過30多款川蜀凉拌小食、 熱葷、火鍋配料及甜品。推薦必點麻辣嫩牛肉及辣子雞軟骨，吃過一定忍不住一口接一口。限定餐目分別有90分鐘川蜀滋味放題及120分鐘嘅川蜀御膳放題。如想在午膳時間都一嚐四川風味，亦有川風午餐60分鐘午市套餐。

重視健康飲食的話，對於食油亦一定會特別留意，而山茶油可說是「油中新貴」，而三本有機初榨冷壓山茶油就聯乘好素純素餐廳喺即日起至5月31日推出「母親節健康素菜」，由著名行政總廚Ken Kwong設計多款以三本山茶油入饌的純素菜式，包括彩虹能量生機佛陀碗配山茶油奇妙醬、紅菜頭蘋果沙律拌生機琥珀合桃、手拌油麥菜等。餐廳內亦提供三本山茶油可供食客即場選購，從此在家中煮食亦吃得安心，而於5月31日前到好素純素餐廳享用「母親節健康素菜」，即可以優惠價於餐廳內選購三本山茶油。

 如果想簡簡單單的話，就可以考慮譚仔三哥米線新推出、只售兩星期、滋補又窩心嘅姬松茸鴨三寶美線。姬松茸鴨三寶美線選配菇菌濃湯，以姬松茸烹調而成，香濃味鮮，健腦益腎，滋補養生。「鴨三寶」就包括鴨膇、鴨腎花及鴨血，原件嫩滑鴨膇醬汁入味，鴨腎就切成花球形狀，吸盡濃湯精華，至於鴨血就由台灣直送，以秘製濃湯煨扣足足1小時，口感嫩滑。

另外，譚仔雲南米線就推出韓式泡菜湯雞卷米線及韓式泡菜醬雞翼，以雙重韓式滋味答謝媽媽無私的愛。全新推出嘅韓式泡菜湯底，每一口均是酸甜的番茄和辛辣泡菜的完美融合，加上韓國直送的宗家府泡菜酸辣爽口，配搭嫩滑的無骨雞卷和海帶，口感豐富之餘又惹味十足，大家可自選辣度，由10小辣起。 除咗限定韓式米線外，譚仔亦將於5月19日推出韓式泡菜醬雞翼，以酸辣醬汁醃製嘅雞翼惹味又醒胃，而單骨的設計不但更為入味，一口一隻極之方便。

至於南記粉麵新推嘅芫茜蓉湯底米線套餐，啱晒鍾情食好「茜」嘅媽媽。以加入大量芫茜蓉嘅秘製湯底為首，搭配皇牌炸豬扒、芫茜豬肉丸、皮蛋及炸豆卜等惹味配料俘虜大家嘅味蕾，更配上南記首創嘅芫茜「可口可樂」，保證每一口都「茜」味濃。提提鍾意食好「茜」嘅朋友，更可以$3加購鮮芫茜，讓「茜」味更上一層樓。

作者：Laurie Wu（愛保健愛旅遊愛購物的熟女）

[email protected]