輕鬆養生｜小董恢復面對面診症

人生中，第一次暫停了四個月工作，今日，疫情過去，終於可以重新起步了！

這些日子以來，每日視診，電話影像傳來你們的聲音，看得見，聽得到但摸不着！身邊人說：「你跟你的病人每每都是那麼的癡纏，好似啲戀人咁講極都唔肯收線……」對！除了病痛不適外，我們還會講吓今日食咗乜、仔女孫兒有冇打電話返嚟、林鄭唔做好唔好、通關後最想去邊度玩等等。於是，每晚都傾到半夜，好似傾咗一世人要講嘅電話次數，就連打電話畀媽咪，都會好自然咁視頻佢！

這幾天，跟大家視診時告訴你們：「下星期回來見吓我好唔好呀？」「醫師，你開診喇？可以面對面見到你喇？太好啦！好掛住你呀！真係好啦！好開心呀！終於等到喇⋯⋯」這一刻，我感受到有好多愛我嘅人準備好回來與小董擁抱，你們別來無恙就好了！因為我們都經歷了一場健康戰爭，可能會失去生命的一場突如其來的戰役、役戰！從你們面上顯現出來的期待、喜悅，小董感到自己的存在原來是重要的！

今日，決定去吸收大自然的靈氣，將所有靈氣轉化為無限的正能量，重燃醫者的火燄，替你們把疾病、細菌統統毀滅！來吧！怪醫小董博士重回地球了！（查詢：2338 0616 / 2338 9090）

小董

原文刊於《頭條日報》