樂●活｜帶媽媽去酒店歎世界

隨住社交距離限制放寬，商場、食肆，甚至郊外都人頭湧湧。嚟緊嘅母親節唔想媽媽粗勞同人逼，又想搵個靜靜哋嘅地方同媽媽傾下心事，去酒店daycation或者staycation喺酒店入面無拘無束咁享受，兼享受美味佳餚。

後疫情時代，Daycation（日間住宿）嘅渡假模式亦愈來愈受歡迎，除可以照常享用酒店服務同設施之餘，更可於早上就能Check-in入住，而且價錢比起過夜更是平一大截。Laurie好鍾意用Dayuse呢個平台去訂日間酒店體驗，除咗有唔同房型與時段選擇之外，同時亦設有「按需推薦」嘅選項，可以按個人需要加入唔同嘅服務，而且仲要每間酒店都會有唔同嘅「按需」選項，夠晒貼心。Dayuse上提供咗唔同嘅酒店合作Plan，由走優雅經典嘅九龍香格里拉大酒店到摩登時尚嘅英倫風酒店The Hari都有。如果諗住帶埋小朋友去的話，更可選擇被植物環繞嘅帝逸酒店、黃金海岸酒店，實行喺享受家庭活動嘅同時，更能品嘗美味佳餚。體驗日間度假，又無需擔心帶着小孩過夜而造成嘅麻煩。

另外，多間酒店亦準備咗多元化嘅母親節慶祝活動，好似香港維港凱悅尚萃酒店就與本地推廣全面放鬆生活方式嘅be likes合作，喺5月7及8日下午2時至4時帶來兩小時嘅香薰油畫工作坊。參加者不需要有任何繪畫基礎，通過配合自選精油配搭油畫創作，享受自由繪畫的樂趣，隨興創作獨一無二的藝術品。（按此）

為媽媽安排一個Spa讓佢好好放鬆身心，酒店與注重身心平衡嘅水療公司Letspa合作，為於2022年5月6至9日期間入住的賓客提供兩種水療療程的特別折扣，包括24K天然蜜瓜抗皺面部水療及賞花．嚐花水療護理（原價港幣$2,200），折扣期限至2022年6月15日，讓母親節的慶祝活動可以延續下去。（按此）

 另於5月7及8日在The Farmhouse咖啡廳或Cruise空中餐廳及酒吧享用午餐或晚餐嘅媽媽，將獲得be likes出品的仿真肥皂玫瑰花、水療公司Letspa$500折扣券及韓國天然草本護膚品牌belif的草本保濕面膜禮品。

至於JW萬豪酒店就準備咗JW身心煥活度假體驗，除咗有酒店房住宿、自助早餐，仲可以讓媽媽可全情沉浸在寧靜嘅環境中，享受舒適的按摩或美容護理，趕走疲憊日常，煥發個人最佳狀態唔，凡於5月之星期五至日入住，更可獲贈愛心朱古力。

另外，仲可以為媽媽預備難忘嘅餐膳體驗，可選擇由米芝蓮中菜廳萬豪金殿嘅滋潤粵式佳餚、著名JW咖啡室嘅豐盛自助餐、The Lounge嘅香檳早午自助餐和下午茶套餐，以至Dolce 88的蛋糕甜點，好讓媽媽歡度溫馨愉快嘅母親節。

另外，香港天際萬豪酒店內嘅萬豪特色水療品牌「泉水療」就有提供不同水療服務，由典型面部護理、身體按摩、到特色火山熱石按摩、花漾水療、礦物泥海藻體膜等，而家「泉水療」仲推出半價優惠，適用於所有水療項目，大家可以趁母親節呢個大日子給她一趟縱享療癒嘅水療享受，感受極致呵護。

今年母親節適逢佛誕，可與禮佛茹素的母親參拜大嶼山天壇大佛後，在東涌乘搭酒店免費穿梭巴士到萬豪中菜廳享用一頓素宴。萬豪中菜廳特別於佛誕期間推出多款美味素食，既有傳統清淡嘅素菜，也有酥脆香口嘅炸物，無論吃葷抑或食素，都能夠大快朵頤。

作者：Laurie Wu（愛保健愛旅遊愛購物的熟女）
[email protected]