樂●活|夏日必備 海洋友善防曬

2022-04-18 13:00

選購美容產品時,除咗注重佢嘅功效之外,亦愈來愈多人會留意所用嘅原料是否對環境有善,美容趨勢更由Green Beauty延展到保護海洋嘅Blue Beauty。又到戶外活動嘅季節,喺選擇防曬用品嘅同時,亦可以多留意產品係咪對海洋友善!

唔講唔知原來有約70%嘅海洋污染係經由排污系統流入海洋,所以不論何時何地都應該選擇對海洋友善的防曬產品,以減低有害物質繼續污染海洋生態。值得留意嘅係防曬產品以外,含塑膠微粒嘅個人護理產品都係海洋塑膠污染嘅主要元兇之一,早於2018年就有本地研究指出,香港沿岸每平方公里海域便可找到高達38萬顆塑膠微粒;而含有塑膠微粒當海洋生物嚥下呢類含毒素嘅塑膠微粒,毒素便會在食物鏈中層層遞增,危害整個生態體系。

防曬乳液裡有一些特定嘅化學成分,會造成海洋珊瑚礁白化現象,嚴重衝擊整個生態系統、並令珊瑚礁面臨死亡嘅危險。藝人余曉彤(Hidy)最近就自資推出咗個人品牌DEVE Ocean Beauty海洋友善防曬乳液,實行由成分到包裝都走向環保與永續,同時保護肌膚,產地更選擇在香港,以減少碳足跡。

DEVE Ocean Beauty海洋友善防曬乳液選用純天然成分包括二氧化鈦、氧化鋅、橄欖油鯨蠟醇酯、橄欖油山梨醇脂、摩洛哥堅果油、海甘藍籽油、紅莓籽油、黃原膠、乙基甲基纖維素、甘油、丙二醇、尿囊素、煙酰胺(維他命B3)、乙基己基甘油以及淨化水。產品更注入薰衣草提取物、杞子提取物及維他命B5(泛酸)以助鎮靜皮膚,補給營養同時平衡皮膚水油分泌,更重要的是,產品不含氧苯酮、辛氧酸酯、奧克立林、甲基水楊醇、4-甲基亞芐基樟腦、對氨基苯甲酸、對羥基苯甲酸酯、三氯沙以及微塑性,可說是是珊瑚礁安全防曬乳。

防曬乳嘅包裝同樣落足功夫,包裝方面採用更環保的物料,使用消費後回收的(PCR)成分並結合提取自甘蔗的原料生產而成。至於包裝物料係由海洋回收嘅材料中收集,經過仔細的收集、分類、壓碎、熔解、純化及消毒的過程,然後重生,再提供產品予其他消費者。與純淨的甘蔗成分結合,製成與環保元素合成嘅包裝,提供一種更環保嘅選擇,亦避免了分配產品時造成的浪費。

DEVE Ocean Beauty由即日至4月30日會推出早鳥優惠,大家可以優惠價$280就買到。(按此

 

作者:Laurie Wu(愛保健愛旅遊愛購物的熟女)
lohaslaurie@gmail.com

關鍵字

最新回應

You are currently at: std.stheadline.com
Skip This Ads
close ad
close ad