樂●活|逛手作市集 認識不同本土品牌

2022-04-16 12:05

消費券到手,有無諗過用嚟支持下本土小店!

即日起至4月26日,一田百貨集合咗多間售賣隨身手袋、銀包、飾物、寵物飾品等嘅香港手作小店喺沙田店舉行一田手作市集,讓大家一次過認識不同本土品牌,現場仲有像素藝術工作坊,畀大家即場製作專屬嘅成品。

布藝手作可以將個性化嘅設計融入手袋,成品夠晒實用,而且又唔使擔心同人撞款咁尷尬!由2位香港女生創立嘅布薯Boshu嘅部分布藝產品除了採用日本布料,亦採用了著名荷蘭布料品牌Marimekko,設計出不同大小嘅拼布環保袋、手挽袋及木口金袋等,而且仲有漁夫帽和髮圈等飾品,充滿時尚感之餘,又有幾分可愛嘅氣息。

近年,興起一股懷舊風,本地品牌Handmadeship就將香港嘅懷舊元素放入日常用品之中,好似將傳統嘅紅色餐牌、舊式火柴盒、香港獨有嘅小巴和雪糕車模樣設計成圖案,並加入流行用語製成不同日常用品,充滿本土特色之餘,又富有趣味。

首飾、配飾可以為每天嘅造型加點新鮮感!Matata每一件鈎針編織飾物都係店主一針一綫編織出來,由項鍊、耳環、髮飾都有,部分飾品更以珍珠襯托,配上不同色彩嘅針綫,可以配合任何風格造型。

除咗買現成嘅手作產品,仲可以喺屋企做點小手,消磨時間兼發揮創意!Aura Art推出「WFH在家手作」套裝,分別有土耳其枱燈、無綫乾花放濕機、霓虹燈畫等;一盒套裝已包括所有所需的材料和工具,並附有教學影片,即使喺屋企都可以輕鬆與家人或朋友一起製造出獨一無二的藝術品。

除咗入手本土小店嘅手作,消費券在手仲可以趁機upgrade一下屋企嘅床品、梳化。即日起至4月27日,歐化寶聯乘千色Citistore喺新都城二期天幕廣場Atrium B舉行床品、梳化特賣,歐化寶舒適健康枕、藍鑽清瑩枕、智慧清凝枕等以低至33折法預售,仲有ANTI-MICROBE 抗菌纖維健康床褥、BB CARE 抗菌抗敏床褥等亦低至45折起,而指定產品即場消費送甜睡枕。

作者:Laurie Wu(愛保健愛旅遊愛購物的熟女)
lohaslaurie@gmail.com

關鍵字

最新回應

熱門文章

You are currently at: std.stheadline.com
Skip This Ads
close ad
close ad