樂●活｜Join The Dark Side 響應「地球一小時」

今晚8點半係世界自然基金會主辦嘅「地球一小時」，除咗世界自然基金會香港分會喺8點在WWF及商業電台Facebook專頁進行網上倒數直播，仲有唔少機構、品牌以行動支持。

其中，西九文化區將首度響應地球一小時2022全球關燈活動，會喺今晚8點30分關掉西九文化區管理局大樓、藝術公園、自由空間、香港故宮文化博物館、M+及戲曲中心嘅非必要及裝飾燈光將關上一小時，M+標誌性LED幕牆亦會同時關掉1小時，以示博物館對年度環保活動嘅支持，同時以喚起公眾對氣候變化及可持續發展嘅關注。

另外，羅氏集團其下物業、D2 Place及其商戶PowerPlay Arena將會參與，喺今晚8時30分起關燈1小時，實行身體力行以生活態度守護生態。

唔知大家有冇留意，Pizza Hut早前於社交平台呼籲大家喺今晚Join The Dark Side，並預告會於今晚以全黑圖像示人，原來 Pizza Hut今年X會響應「地球一小時」，呼籲香港市民一起於晚上 8 時 30 分關燈一小時，鼓勵大家由小小行動做起，一齊來保育生態、守護大自然。今日Pizza Hut會推出只限一天嘅「#PizzaHutDarkSide限定蠟燭套裝」，讓大家於家中關上燈後，一起享受燭光 pizza 晚餐。

今日晚上6時後，凡於指定分店惠顧外賣自取任何食品，均可免費獲贈「#PizzaHutDarkSide 限定蠟燭套裝」，精心設計的蠟燭台讓顧客在「地球一小時」舉行期間，於家中燃點起蠟燭代替電燈，享受別具氣氛的「燭光晚批」，不過提提大家只限外賣自取，不適用於網上及電話訂購，而且先到先得。

作者：Laurie Wu（愛保健愛旅遊愛購物的熟女）

 

[email protected]