樂●活|由本地設計手作 尋找小確幸

2022-04-02 12:45

受疫情影響,好長一段時間無去過市集,今、明日(2、3日)D2 Place有集合多個本地設計同手作品牌嘅市集等緊大家。

一連兩日嘅「Marketoo x Zaak6Naam4 主題市集 - 放假去D2」,顧名思義係同Zaak6Naam4 合作主題市集,除咗可以欣賞佢嘅插畫分享,仲有近100檔位可以買嘢,仲有遊戲玩、插畫活動區同紀念品免費。

今次嘅市集有唔少特色嘅攤,好似「鴛鴦茶餐廳」,就有「貓咪香港」畫如其名,係貓咪喺香港生活嘅浮世繪,希望從貓咪的眼睛,也能找到屬於大家專屬嘅小確幸;「今日是泰仔」就係售賣自家製樽裝泰式飲品,其中一定要試佢哋嘅皇牌產品,由正宗泰國人傳授技術嘅泰式奶茶。

鍾意手作飾物、布藝的話,就一定去「三由工作室」逛逛,三由係一個本地原創刺繡品牌,自家設計刺繡燙章、襟針以及書韱等,最大特色係作品用兒童畫作來圖訂製,讓難於保存嘅紙品變成刺繡,繡於日常文儀用品資訊。「ErnieBoo」就有手作飾物和布藝產品,而大家部分嘅作品靈感都係來自日常生活,相信大家都會好有共鳴,另外品牌提倡自由配搭和創意,會提供客製服務,讓客人有屬於自己獨一無二的產品。

另外,D2 Place推出全新「1+1=∞ 無限賞」,由即日至5月31日活動期內,於1間零售或娛樂商戶及1間餐飲商户以消費券消費最少$50,即獲贈$50 D2 Place商場現金券及即日私家車免費泊車2小時。另於4月15日至5月31日活動期間,D2 Place精選商戶更會推出多項消費換領禮品優惠。

因應限聚令獲放寬,4月21日起,《1+1=∞ 無限賞》將加入加碼優惠,於1間零售或娛樂商戶及1間餐飲商户(晚上6時後) 以消費券消費最少$50,即獲贈$50 D2 Place商場現金券及即日私家車免費泊車3小時。

 

作者:Laurie Wu(愛保健愛旅遊愛購物的熟女)

[email protected]

關鍵字

最新回應

You are currently at: std.stheadline.com
Skip This Ads
close ad
close ad