樂●活｜「聽」書速讀

平時工作忙，放咗工可能又會想休息，或者掛住煲劇睇戲，要搵個空檔好好睇書，好似愈來愈難。喺朋友嘅介紹下接觸咗一個以廣東話閱讀書本摘要嘅平台，只要喺搭車、做運動、做家務，甚至沖涼嘅時間，用耳朵輕鬆而有效率地享受到閱讀嘅好處，大概15分鐘就可以大致了解一本書嘅重點內容。

講緊嘅一個叫做「點點閱」嘅手機App，App入面有好多熱門實用工具書，每本書都會有人以廣東話預先將厚重的書本概括成15分鐘的摘要，只要戴上Headphone就可以「聽書」，輕輕鬆鬆就可以吸收書中嘅知識並培養閱讀習慣，方便又實用。「點點閱」堅持使用廣東話真人錄音，並以正體字書面語撰寫摘要，可以話係為香港人而設，無論睇定係及聽都會更容易吸收，不過提一提部份未及時進行錄音幾書目，暫時會以系統語音讀出。

平均來講，只要花15分鐘就可以吸收到一本實用書嘅精華，讀過書本摘要後，或者聽完書後，仲可以可以透過App內嘅連結到台灣書店網購心儀書本，深入了解當中每一章節，慳咗要去實體書店揀書或者搵書嘅時間。

點點閱App分為免費嘅一般會員和收費嘅尊尚會員（月費$38；年費$358），一般會員每天都會獲得一份根據你填寫的閱讀喜好而分派嘅摘要，而收費會員更可隨時隨地閱讀和收聽書庫內所有書本嘅摘要內容。有時用App最怕就係有廣告版面，甚或透過收集並售賣客戶個人資料從中獲利，而用點點閱App嘅時候，不會喺閱讀及收聽期間受廣告騷擾，仲要係無論免費或付費用戶都唔會受廣告打擾，而且只須登記電郵及選取閱讀喜好，絕不會過份收取用戶資料，相當重視用戶體驗。

作者：Laurie Wu（愛保健愛旅遊愛購物的熟女）

 

[email protected]