樂●活|今個復活節做乜好?

2022-04-09 13:28

今年復活節有4天長假期,Plan好去邊玩未?想休閒舒適咁歎返幾日,去Staycation喺酒店懶洋洋地過一天,既能享受星級酒店服務及美饌,又能享受專屬時光。

由即日起至4月29日預訂馬哥孛羅香港酒店「繽紛復活假期」住宿計劃,除了可於客房品嚐充滿節日氣氛的復活節限定甘筍蛋糕及令人垂涎的海鮮烤雞晚餐,翌日早晨更可以豐盛的自助早餐延續美滿的假期。至於港威酒店嘅「奇趣復活節」住宿安排,包括於海港城全新現代餐飲空間SAVVY享用麵食套餐﹑於客房品嚐充滿節日氣氛的復活節限定甘筍蛋糕,以及雙人自助早餐。

另外,KKDAY會喺今晚(4月9日)10點,推出香港迪士尼樂園酒店住宿優惠,大家可以低至47折Book到。

除咗去Staycation,仲可以去酒店餐廳享受復活節大餐!馬哥孛羅香港酒店意大利餐廳Cucina會喺4月15至18 日推出經典復活節早午餐。大家可先細味意式頭盤、芝士及凍海鮮,再挑選由意籍總廚 Andrea Delzanno 精心炮製嘅青蘆筍意大利飯配烤虎蝦及魚子醬;焗酥皮盒伴溫泉蛋、煙三文魚、菠菜及蒔蘿醬 或傳統烤羊腿肉配蒜蓉、馬鈴薯伴迷迭香等熱葷主菜,仲有即叫即煎嘅招牌迷你鴨肝漢堡,以及在開放式廚房內即煮的特色意大利麵條,香氣四溢。

至於家有2至8歲小朋友的話,可以參加海洋公園於4月15至16日舉行嘅遙距遊歷多媒體互動體驗館「探索號 R」,讓小朋友透過一系列有趣又多元化的互動活動,一同研究各種動物嘅身體特徵及發掘本地物種嘅特色。

其中有特別為2至3歲幼童設計嘅「英語故事時間──大自然忍者」,外籍導師會以英語帶領大家一同進入故事世界,一起活動身體放放電,導師更會利用「探索號 R」館內設施,透過故事講解本地物種香港湍蛙如何利用保護色於湍急溪流間生活,並教導小朋友和家長自製湍蛙玩偶,從中認識牠的特色。至於「小偵探訓練之旅」就讓4至5歲嘅小朋友化身成為小偵探,與教育大使一起利用「探索號 R」小紅熊研究台上的AI超級動物身體部件,按照不同動物的特性追蹤各種線索,並透過即時投票決定下一步偵查,一起尋找失落的黃金觀察工具,教育大使更會與小朋友一同做小手工,製作專屬自己的觀察工具,鼓勵大家進一步認識香港大自然。6至8歲嘅小朋友參加「漫趣探索行 之 動物知識大聯盟」,透過即時投票參與問答遊戲,認識香港生物多樣性,更會以虛擬方式一同抵達「探索號 R」,實時製作AI超級動物,學習多有關動物的知識。一系列全新互動虛擬課程費用全免,名額有限,可參閱海洋公園Facebook及報名。

復活節又點少得準備復活節朱古力,MARKET PLACE 就分別與大人及小朋友準備咗Baileys海鹽焦糖復活蛋和松露朱古力套裝,以及Choc on Choc自製復活蛋套裝。其中巨型嘅Baileys海鹽焦糖復活蛋以奶香味濃的Baileys香甜奶酒溶入幼滑香醇嘅朱古力之中,再配搭焦香微鹹、甜而不膩的海鹽焦糖脆脆,帶來層次豐富的絕頂滋味;而四顆方型海鹽焦糖松露朱古力入口綿密即化,每一口都帶來充滿Baileys香甜奶酒。Choc on Choc自製復活蛋套裝就內有製作和裝飾朱古力復活蛋嘅材料和模具以及廚師帽,在家亦能輕易製作出優質而獨一無二的朱古力復活蛋。

又或者可以買定奇華餅家再次帶來三款不同口味的朱古力脆米菓,包括黑椒香橙朱古力脆米菓、海鹽花生朱古力脆米菓及紅桑子朱古力脆米菓,一口大小的朱古力脆米菓,帶着香濃嘅朱古力滋味,帶來甜蜜蜜嘅復活節小確幸。

作者:Laurie Wu(愛保健愛旅遊愛購物的熟女)

lohaslaurie@gmail.com

關鍵字

最新回應

You are currently at: std.stheadline.com
Skip This Ads
close ad
close ad