乐●活｜逛手作市集 认识不同本土品牌

消费券到手，有无谂过用嚟支持下本土小店！

即日起至4月26日，一田百货集合咗多间售卖随身手袋、银包、饰物、宠物饰品等嘅香港手作小店喺沙田店举行一田手作市集，让大家一次过认识不同本土品牌，现场仲有像素艺术工作坊，畀大家即场制作专属嘅成品。

布艺手作可以将个性化嘅设计融入手袋，成品够晒实用，而且又唔使担心同人撞款咁尴尬！由2位香港女生创立嘅布薯Boshu嘅部分布艺产品除了采用日本布料，亦采用了著名荷兰布料品牌Marimekko，设计出不同大小嘅拼布环保袋、手挽袋及木口金袋等，而且仲有渔夫帽和发圈等饰品，充满时尚感之馀，又有几分可爱嘅气息。

近年，兴起一股怀旧风，本地品牌Handmadeship就将香港嘅怀旧元素放入日常用品之中，好似将传统嘅红色餐牌、旧式火柴盒、香港独有嘅小巴和雪糕车模样设计成图案，并加入流行用语制成不同日常用品，充满本土特色之馀，又富有趣味。

首饰、配饰可以为每天嘅造型加点新鲜感！Matata每一件鈎针编织饰物都系店主一针一綫编织出来，由项鍊、耳环、发饰都有，部分饰品更以珍珠衬托，配上不同色彩嘅针綫，可以配合任何风格造型。

除咗买现成嘅手作产品，仲可以喺屋企做点小手，消磨时间兼发挥创意！Aura Art推出「WFH在家手作」套装，分别有土耳其枱灯、无綫乾花放湿机、霓虹灯画等；一盒套装已包括所有所需的材料和工具，并附有教学影片，即使喺屋企都可以轻松与家人或朋友一起制造出独一无二的艺术品。

除咗入手本土小店嘅手作，消费券在手仲可以趁机upgrade一下屋企嘅床品、梳化。即日起至4月27日，欧化宝联乘千色Citistore喺新都城二期天幕广场Atrium B举行床品、梳化特卖，欧化宝舒适健康枕、蓝钻清莹枕、智慧清凝枕等以低至33折法预售，仲有ANTI-MICROBE 抗菌纤维健康床褥、BB CARE 抗菌抗敏床褥等亦低至45折起，而指定产品即场消费送甜睡枕。

作者：Laurie Wu（爱保健爱旅游爱购物的熟女）
[email protected]