嘉禾V Walk戲院停業 市民感驚訝惋惜

位於南昌的嘉禾V Walk戲院，其網站及手機程式未再發售昨日戲票，《星島》記者到戲院觀察，發現大閘落下，並張貼了「暫停營業」的通告。有市民對戲院暫停營業感到驚訝和可惜。

市民Patrick指，經常來嘉禾V Walk看電影，平均每月一次左右，「平時見佢都唔係好多人，入邊好細，睇嘅人又唔多」，得悉戲院暫停營業感到可惜，「冇戲院嘅話就冇咗個選擇，唔係下下都淨係睇Netflix㗎嘛」。

資深戲迷黎先生指，從粵語長片已經開始看電影，對今年先後有多間戲院先後結業感到可惜。他續指，「電影係一種共享娛樂，電影可以有個共鳴」，最近有港產電影破票房紀錄，畢竟電影是第八藝術，作為港人自然希望這種娛樂及藝術可延續下去，也希望嘉禾V Walk只是轉型或者換公司經營。

吳同學指，經常來嘉禾V Walk戲院看電影，看到通告得知暫停營業，感到可惜，以後或沒有這麼靠近住所的戲院，加上今年有多間戲院結業，選擇越來越少。她希望戲院可以重開，否則需要去旺角看電影。