將藍橋遇強風首封閉 跑友單車手吃閉門羹

（星島日報報道）將軍澳跨灣大橋單車徑及行人路封閉，是上周日大橋開通以來首次臨時封閉單車徑；市民須改用其他單車徑及行人路前往日出康城及調景嶺，昨早雖天氣寒冷，仍不減市民趁假日來新大橋參觀，惟大部分不知跨灣大橋單車徑及行人路封閉，對於未能踏足大橋，部分人感失望。
全副裝備慕名而來

天文台在昨晨九時四十五分發出強烈季候風信號，上午八時零八分，警方接獲報案，指將藍隧道近調景嶺唐賢街有多棵樹倒塌，多名工人正在處理，旁邊有告示指因強風造成塌樹，有待清理。因受強風影響，運輸署宣布將軍澳跨灣大橋單車徑及行人路須封閉後，現場所見不少工作人員到大橋架起鐵馬，亦有警員到場了解。

穿上運動衫的王女士，由寶琳出發，原本想由調景嶺經跨灣大橋跑步，但來到才知封橋，顯得無奈。「其實（昨日）好好天，做運動嚟講，可以接受，風速超過每小時四十公里。我上次由日出康城去，今次諗住第一次由調景嶺去，想試吓，（昨日）唔算大風，我唔覺得凍。原本係好期待今次行程。」

全副裝備的單車友李先生，偕好友鄭先生及數人，專程到跨灣大橋踩單車，豈料來到才知封橋。「都唔會好失望，嚟望望啦，新橋未踩過，特登過嚟。」鄭先生明言「慕名而來」。他們會先在附近踩單車，希望等到重開大橋。有單車友表示昨早太大風，「吹到單車都飄，唔上得橋，我喺康城上，都feel（感覺）到單車擺，人又歪，幾危險，都適合封橋，吹跌咗你，撞到隔籬都危險，就咁行都OK嘅，車就唔係咁好。」

專程由港島過來的李小姐與友人余小姐，食完早餐諗住到跨灣大橋遊覽，卻遇上封路。「今次第一次嚟行，天氣幾好，唔覺風速犀利，都唔係好失望，諗往行吓海濱先，睇吓等唔等到開返。」