Kelly Online：三種時令菜助身體排毒

春天係養肝季節，如果唔趁春天養好身子，夏天就好易心火盛和容易有及腸胃病，以下有幾種方法幫各位喺春天養好身子： 1.食苦味蔬菜 春筍： 中醫認為，春筍略帶甘溫，可滋補陽氣、提升肝氣，內含嘅酪氨酸仲可以防老化、活化腦部，亦好適合有便秘困擾嘅人食用。 蘆筍：含有豐富鐵、鈣質，可以提高血液含氧量，容易攰嘅人食多啲氣色會變好。癌症患者如果適量食用綠蘆筍，除咗可以減輕化療和放射治療副作用，仲可以令白血球上升，達到抗癌效果。 油菜花：有豐富胡蘿蔔素、鈣、食物纖維，能保持血壓平衡、促進血液循環。 2.食捉毒食物 食物中如果含有維生素C、槲皮素、鋅或硒等營養素，可以捕捉體內毒素，好似檸檬與酸橙等柑橘類內含豐富維生素C，可以刺激肝臟，俾毒素更快聚合，容易被水分吸收，隨尿液排出人體。另外，亦可以多食玄米、洋蔥、蘆筍、花椰菜、芹菜、蘋果、牡蠣、豬肝等，一網打盡體內毒素。 3.食排毒食物 人體75％毒素由便便排出，所以擁有健康腸道，排毒都會事半功倍！當排便唔順，身體充滿毒素，引起各種不適症狀與肌膚問題。香蕉、胡蘿蔔、雜糧、菇類、蒟蒻、海藻類、菠菜、冬瓜、玉米、綠豆等食物纖維含量高，有助腸道蠕動，排除毒素。