Lucy因打風停課頓變失落「元」 表情勁Sad忍住唔喊

李璨琛的3歲囡囡Lucy同唔少香港人一樣，好鍾意返工，呀！係好鍾意返學。之前因為未開學喊過，又試過因為發燒而請假，又喊，上星期打風因為在星期六，未有影響Lucy返學，可惜昨日（12日）「圓規」殺到，天文台於凌晨時分已發出3號強風信號，下午更轉為8號風球，幼稚園當然一早宣布停課。冇得返學，Lucy雖然冇再喊，但表情掩蓋不住失落感，而且放颱風假又不能出街，更加sad。

Lucy媽留言：「收到唔使返學呢個消息，頓變失落『元』 #個元字真係好百搭 #定還是個老母醒呀 #唉佢自己都唔知呀 #其實當初改個元字都係諗住今日有咁嘅用途咋嘛 #未懷孕已經計劃好咗 #高尚嘅目標 #PLAN在起跑線」，網民見到留言都忍不住笑。