頭髮散開睡似「小鳳姐」 Lucy叉足電晒「元」美水着

李璨琛的3歲囡囡李元元（Lucy）期待已久終於開學，Lucy媽每日都稱自己患上嚴重的分離焦慮症，反而囡囡不止冇喊，而且每日返學玩斷電一樣。Lucy再被媽咪出賣睡相，瞓到大字型的她，頭髮散開被網民指似「小鳳姐」，Lucy媽留言：「呢個髮型，好一把豐盈嘅秀髮。」

瞓飽叉足電的Lucy，昨日（4日）不用返學就去游水，穿上兩截泳衣的她凸出肚腩仔，相當可愛，Lucy媽寫道：「唔洗返學梗係即刻去游水水啦，D pose美妙到呢，得啦知你靚喇！唔使返學嘅日子，D相都變返擘大眼。」網網大讚「『元』美體態小姐」、「『元』美水着look。」