Lucy發燒缺席學校生日會爆喊　媽咪出扮靚殺手鐧𠱁掂囡囡

李璨琛的3歲女兒李元元（Lucy）好鍾意返學，之前試着校服時因還未開學已爆喊過一次，今日Lucy又再爆喊，更被Lucy媽影相兼拍片放到社交網，分享她喊到流出大大滴眼淚的慘樣。Lucy個樣好可憐，Lucy媽解釋：「發燒冇得返學，仲要今日係學校生日會可以着自己裙裙，有人表示好傷心。」不過Lucy媽指囡囡雖然發燒，但精神狀態極度良好，大家不用擔心。

果然Lucy媽好快出手，因為小朋友易喊又易哄，Lucy就被媽咪的殺手鐧弄到即時破涕為笑，Lucy媽寫道：「化妝能治百病#發燒都要化妝㗎 #21世紀化妝治療法」，原來有得化妝，Lucy即嗱嗱聲砌好自己的兒童化妝枱，擺好個陣，而因為發燒不能返學一事，已火速拋諸腦後。