【獨家】Lucy返學阿媽寂寞到想喊　李璨琛老婆孤零零睇家品

上周終於開學了！李璨琛的3歲「網紅囡囡」Lucy（李元元）今年入讀幼稚園，返學首日仲好叻豬冇喊過，反而「李老母」梁志瑩（Pae）就話冇得同囡囡玩，猶如「冇咗個女咁」，令她傷心寂寞到好想喊！日前，好Lonely的Pae獨自現身銅鑼灣，在Hea遊家品店期間，經營時裝網店的她不停覆Message，最終逛了不足半小時便極速離開。採訪：梁志明

當日下午4時許，李太以一身「街坊Look」，黑Tee襯吊腳褲、腳踢涼鞋兼紮丸子頭，獨自在利園三期一間家品店HOMELESS閒逛。其間，挽住個綠色大袋的Pae，企喺陳列的餐桌前研究啲「雙拼款」瓷器碗碟，睇咗冇耐便拎起部手機聽Voice message，聽畢她即眼定定又𢱑晒頭，似乎煩惱緊唔知點覆對方。

站在舖頭中間，來來回回覆了5分鐘Message，Pae先得閒睇番啲家品，見她對5,850蚊的白色多層收納櫃及890蚊的收納布籃特別感興趣，未知是否想買嚟擺放Lucy的玩具呢？不過逛了約半小時，乜都冇買的Pae就兩手空空步出商場，並走到街尾一邊等車一邊撳電話，未幾便登上一輛深灰色座駕離開。