青年心城丨林景程演地產經紀入型入格：其實我完全唔識

由游嘉欣、林正峰擔正、新晉監製林肯操刀的TVB新劇《青年心城之撐起青春》，於上周日（10日）推出，首集播出後反應理想，除了焦點落在近期上位的21歲小花游嘉欣外，另一位成功彈出的是演活「攣都拗番直、死都拗番生」地產經紀的林景程（King）。
劇中為了氹掂林正峰飾演的阿峰，King將每個單位都包裝得相當完美，之前King在《香港愛情故事》同樣飾演地產經紀，更因而獲得拍廣告機會，獲網民封為「TVB專業地產經紀」，對於網民的關注，King笑謂：「其實我完全唔識地產知識架，不過真係有人以為我真係經紀，啲人成日以為我有兩個牌，就係物理治療師同埋地產經紀，有時有人睇中啲樓盤又會掟畀我問我意見。另外有地產界嘅朋友，又會叫我幫手向我身邊人推介樓盤。」

事實上有九年演戲經驗的King，在之前播出《七公主》中出任物理治療顧問；而他在下周一（18日）推出的台慶劇《星空下的仁醫》，亦會飾演小兒外科醫生；另外現時還忙於拍攝《四十二章經》、《法證先鋒V》及《隱形戰隊》的他，被問到物理治療及演戲兩邊走如何分配時間時，King笑指：「時間分配係有啲難，因為拍劇有時要踩到凌晨，但物理治療通常要返早，以我咁大年紀咁樣係有啲難頂。近排因為拍《四十二章經》都咁樣頂咗一個星期，真心頂唔順，好彩公司都好就我，畀我調配時間返晏啲，追夢係要付出成本架啦。」

另一方面，林正峰的演出亦受到讚賞，繼《愛情故事》後「冧莊」演廢青的他，不單演技、就連顏值亦成為討論點，有人認為他未夠靚仔擔正男一，但亦有人認為：「唔通搵靚仔演廢青咩」、「廢青嚟講算有顏值喇」、「呢個峰哥，做戲都幾自然，幾貼地」、「演廢青入型入格」。雖然有人指「峰哥」角色頹得過份，但亦有人認為一點也不誇張，並謂：「其實香港真係好多呢啲人！」