胡定欣父女檔fit爆打網球

　　(星島日報報道)剛踏入40歲的胡定欣，向來熱愛做運動，不時都會跑步、做gym，操得一副好身材，日前她更於社交網大晒爆肌「老鼠仔」的照片，令人羨慕。

　　近日，胡定欣在網上發文表示又搵到一項有興趣學的球類運動，並罕有地分享父女合照，原來她拉埋爸爸一齊去打網球聯誼，非常孝順，更寫道：「好開心！我終於搵到一項球類運動有興趣啦！最重要係可以同Daddy一齊學一齊玩，一齊做運動，又可以多個話題！第一次玩，鍾意咗！父女聯誼」定欣更表示要搵教練認真學，但網友都將焦點放在鮮有露面的胡爸爸身上，大讚他身形fit爆，更指兩父女似足餅印。