做嘉賓要求多多又寸嘴暴躁肥仔搞喊李靖筠

2021-05-20 16:30

由許靖韻（Angela）及李靖筠（Gladys）主理的網上音樂節目《今晩唱飲歌2》請來ERROR隊長肥仔做嘉賓。今次主題是「傷女情歌王」，所以肥仔的任務就是要搞喊Gladys！

肥仔同KB夾埋冤枉李靖筠，他先致電Gladys提出要求，一時要加人、一時要加歌、一時又要Live Band，總之要求多多。拍攝當日，肥仔一行十多人上到Band房，綵排時又讓同行的方方及假女友不停亂入，令Gladys極度尷尬，還因沒有Live Band的關係令肥仔拋下一句：「我同你（Gladys）好熟呀？！」還拉大隊走人，留下Gladys收拾殘局。最後肥仔和假扮花姐的KB齊折返，嚇親的Gladys才知自己被整蠱。

事後Gladys表示：「真係因為呢個節目我特登攞咗你（肥仔）電話請你過嚟，你真係傷咗我個心囉，我真係完全被騙，真係好嬲呀！」Angela更指肥仔嗰句「我同你好熟呀？！」令人好hurt，肥仔笑說：「話晒我係《Lady Killa》，同埋今集主題係『傷女王』嘛，呢個係我哋期待嘅畫面嚟㗎喎！」