傳跟193行得太埋新劇被飛 坤哥澄清要拍奧運節目唔係「雪藏」
2021-05-19 17:25 
早前吳業坤(坤哥)到日本過咗5個月Working Holiday，事後傳出因他停工半年令公司不滿，所以坤哥返港後即接拍新劇補鑊，但又因為在社交網Po出跟ERROR成員193(郭嘉駿)的合照，再加上兩人交換兩台吉祥物合照後，193將TVBuddy打格並在手上加上兩支煙，caption更玩嘢寫下潮語「壞過凱婷」，引來網民替坤哥擔心：「完咗約啦？咁寸嘅？」有指連番舉動疑觸動TVB的敏感神經。
有報道指坤哥將被飛出TVB新劇，據知，原本坤哥於月初收到新劇劇本，但卻遲遲未收到通知，而新劇於後日便舉行記者會，不過坤哥突遭除名，令外界懷疑坤哥被飛出劇。本報記者就事件向坤哥求證，坤哥回覆時強調：「不是被飛出新劇，因為有奧運的項目可能要拍，但還未知情況，所以角色換了其他人去做，與「雪藏」一事無關，只是工作上需要配合。」
關鍵字
最新回應