【呢集真係要睇】為贏獎金玩到成身泡 姜濤出嗲功冧七仙羽師傅
2021-04-29 17:30 
ViuTV綜藝節目《考有Feel》今明兩天播出最後兩集，MIRROR及ERROR再次全員出動，製作組更加碼送禮物，每勝出一回合就可獲得獎金。遊戲「跣上任務」中，ERROR成員肥仔（梁業）要在充滿番梘泡的賽道跣到終點並吹熄蠟燭，觀戰的姜濤不惜從場外撲向肥仔阻止他。肥仔都唔輸蝕，將姜濤拉入場中，更令他失平衡跣腳，頭髮沾滿泡泡！
小儀問到瘋狂阻止原因時姜濤直言為「錢」，被另一主持黃奕晨（Dixon）笑問：「你仲嫌賺唔夠呀？」呆了半秒的姜濤以招牌傻笑應對。在食雪條環節面對嘉賓七仙羽師傅時，為食姜濤燃起鬥志，揚言絕對可以贏到對方，又跟住七師傅向雪條作法！雖然姜濤快唔過ERROR隊按鐘，不過他就即刻撒嬌，「啊~七師傅我求吓你！」最後令師傅一秒心軟，好搞笑！
關鍵字
最新回應